Diskusaun no votasaun proposta Orsamentu Retifikativu tinan 2022, iha sala plenária Parlamentu Nasionál, kuarta (11/05). Imajen Tatoli/António Daciparu

DILI, 11 maiu 2022 (TATOLI)–Primeiru-Ministru (PM), Taur Matan Ruak, hateten, Governu prefere harii sede arte-marsiál tanba durante ne’e sira kontribui ona hodi redús konflitu iha rai-laran.

“Harii sede ba arte-marsiál mós importante tanba realidade ida maka desde ita opta polítika inkluzaun, violénsia menus loos, ne’e Sekretáriu Estadu Juventude no Desportu mak hateten, signifika ita-nia polítika di’ak, tanba bainhira polítika ladi’ak mak esklui ema. Entaun sira fó kontribuisaun pelu faktu ita harii uma ida ba sira atu sira bele halibur malu, ne’e prémiu boot ida ba ita-nia oan-sira atu sira sente katak sira ne’e parte ida hosi rai ne’e,” PM Taur hateten hafoin debate no aprovasaun finál globál Orsamentu Retifikativu, iha resintu Parlamentu Nasionál, kuarta ne’e.

Notísia relevante: Governu prevee millaun $2,6, harii sede Grupu Arte Marsiál

Xefe Governu dehan, hosi parte arte-marsiál tenke iha dever no obrigasaun atu kontinua ajuda Governu atu halo nasaun hakmatek hodi bele hetan kbiit dezenvolve ekonomia iha nasaun.

VIII Governu Konstitusionál liuhosi Sekretaria Estadu Juventude no Desportu (SEJD) prevee millaun $2,6 hosi Orsamentu Retifikativu atu harii sede ba grupu arte-marsiál iha territóriu nasionál.

Jornalista : Antónia Gusmão

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here