EDTL instala iluminasaun iha estrada área Taibesi, Dili. Imajen/Mídia MOP-EDTL

DILI, 09 maiu 2022 (TATOLI)—Eletrisidade Timor-Leste, Empreza Públika (EDTL, E.P) hahú instala ona iluminasaun públiku iha estrada protokolu, nune’e bele fó naroman ba movimentu komunidade iha tempu kalan.

Notísia RelevanteMOP garante iluminasaun kapitál Dili funsiona normál iha selebrasaun 20 maiu

“Fulan abríl nia rohan, kompaña manan na’in ba fornesimentu lampu ba dalan ho nia asesoria sira, kompaña hatama iha abríl nia rohan, hosi ne’e ita hahú ona monta balun iha sesta (06/05) kalan no sabádu (07/05) kalan, hahú hosi Rotunda Nicolau Lobatu to’o ona iha estasaun Kombústivel Mãe Grasa. Maibé horikalan ita la konsege monta, tanba ita iha kamioneta rua ne’ebé atende avaria. Aleinde ne’e ita fó instrusaun koordena, maibé sira la ba monta, tanba atendimentu avaria iha kalan ne’e kedas,” Komisáriu Ezekutivu Servisu Tékniku EDTL, Latino Jerónimo, hateten ba Agência Tatoli, iha nia knar fatin, Caicoli, Díli, segunda ne’e.

Maske nune’e, ohin dadeersan enkontru ho sira, koordena no forma ona ekipa rua ka tolu, nune’e bele finaliza ona ohin kalan to’o uma adat Tasi Tolu.

“Entaun, Estasaun Kombustivel Mãe Grasa ba, ita bele halo hotu ohin, espera katak depois almoco ita-nia tempu ladun manas ona, sira bele ba monta daudaun no kalan kontinua monta, konkluidu,” nia dehan.

Alende ne’e, grupu ida seluk mós sei la’o monta iluminasaun públiku ne’ebé lampu sira de’it mak aat, hanesan iha parte Delta, Elemloi no hosi Timor Plaza ba Ponte CPLP.

“Iha balun ita troka lampu no ida fali ita troka kontaktór, entaun ohin ami-nia aprozionamentu konfirma ona kompaña ne’ebé fornese kontaktór sira hatama ona mai, entaun ohin sasan sira ita simu tiha iha armagen, rejistu hotu tuir rekerimentu ne’ebé iha, ita sei hahú montazen lampu sira. Entaun, iha Rotunda ba Tasi Tolu, ita esforsa aan hotu iha ohin kalan ne’e, nune’e iha pontu rua ka tolu mak seida’uk, ita bele hahú fali aban, maibé prioridade ohin tenke halo hotu, depois iha kontaktór no lampu sira ne’ebé aat, ida ne’e ita sei halo mós ohin kalan no aban, nune’e ita bele dehan, katak iha dalan protokolu sira ita sei rekupera lalais, ba lampu sira-ne’ebé aat antes 20 maiu,” Komisáriu EDTL ne’e informa.

Kona-ba instala iha área ne’ebé, nia dehan, iha Rotunda Nicolau Lobato ba Tasi-Tolu monta foun hotu, tanba antes ne’e iha ida ka rua maibé aat ona, nune’e ekipa sira monta foun fali.

“Ai-riin no liña sira reabilitasaun foun no uza ona, entaun ita monta foun hotu. Tanba ne’e, rotunda Tasi-Tolu ita monta foun no sira seluk ita troka de’it lampu ho nia kontentór iha estrada prinsipál sira,” nia dehan.

Iha área Cristo Rei to’o mai, iha lampu balun de’it mak aat, nune’e tesik ba to’o iha Ai-mutin nia kontentór mak aat.

“Tanba, balun lampu di’ak nia kontentór mak la di’ak no balun kontentór di’ak nia lampu mak la di’ak. Ida-ne’e troka lalais de’it, maibé hosi Rotunda Nicolau Lobato ba to’o Tasi-Tolu ne’e monta foun hotu, hahú hosi besi to’o lampu ho unidade sira foun hotu. Ida-ne’e ita monta ona to’o kalan rua nia laran to’o ona iha estasaun komvustível Mãe de Grasa. Ne’e ha’u akompaña rasik no ha’u haree,” nia dehan.

Jornalista : Nelia Fernandes

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here