Primeiru Ministru Taur Matan Ruak koileta hela hudi nebee Formadu sira kuda iha Sentru Formasaun Tibar, Liquisa 8 Abril 2019.Imajen Antonio Goncalves

DILI, 05 maiu 2022 (TATOLI)-Primeiru-Ministru, Taur Matan Ruak, rekoiñese problema folin sasán nesesidades bázika ne’ebé daudaun ne’e sa’e iha merkadu, sai lisaun ba Estadu, Governu no povu Timor-Leste hodi valoriza produtu rai-laran.

“Ita akompaña hela, maibé atu dehan ne’e fatór esterna, fatór ida hosi kedas li’ur mai ne’ebé ita labele impede, ne’e la’ós iha ita-nia rain de’it más iha nasaun hothotu. Ida ne’e mós fó hanoin ba ita valoriza ita-nia produtu lokál sira,” Taur hateten, hafoin halo enkontru semanál ho Prezidente Repúblika (PR), Francisco Guterres ‘Lú Olo’, iha Palásiu Prezidensiál, Bairu-Pité, kinta ne’e.

Notísia relevante : Governu hahú diskute polítika ba intervensaun folin sasán

Xefe Estadu ne’e dehan, ho problema presu sasán ne’ebé akontese iha merkadu, Timoroan tenke konsumu ninia produtu rasik nune’e labele tau dependensia ba produtu importasaun husi rai-liur.

Maibé,  Taur Matan Ruak, hateten Governu buka ona meiu atu rezolve problema ne’e. No foin lalais ezekutivu ne’e bolu ona Ministériu Turizmu, Komérsiu no Indústria (MTKI), Ministériu Agrikultura no Peska (MAP) hodi buka solusaun ba presu sasán nian.

Notísia relevante : Emprezáriu timor-oan husu Governu valoriza produtu lokál

Jornalista : Antónia Gusmão.

Editór      : Agapito dos Santos

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here