Logotipu EDTL. Imajen/Espesiál

VIQUEQUE, 05 maiu 2022 (TATOLI)-Koordenadór Eletrisidade Timor-Leste, Empreza Públika (EDTL, EP), Feliciano de Almeida, hatete ninia parte konsege monta prepagu 30 ba uma tolu iha suku Macadique, postu Administrativu Uatulari hafoin hetan impedimentu.

“Ami foin monta prepagu hamutuk 30 ba uma tolu, maibé joven sira mai halo impedimentu ba ami-nia servisu instalasaun”, katak nia ba Tatoli iha Viqueque, kinta ne’e.

Nia hatutan tan: “Ami monta prepagu iha suku Macadique, aldeia Liakawa, joven sira dehan ba ami, ita-boot sira labele monta prepagu, razaun komunidade seidauk hetan servisu, lori produtu ba merkadu ema la sosa”.

Ho razaun sira ne’e, nia dehan ekipa EDTL, EP retira hosi Macadique kontinua monta fali iha postu Uatucarbau kuaze 3000.

“Molok ami tau prepagu ba komunidade sira-nia uma, ami iha karta sirkulár ida fó autoridade sira. Depois iha  loron 4 fevereiru 2022 ami enkontru iha postu adiministrativu Uatulari ne’ebé envolve hosi xefe suku sira, buat hotu loos ona. Maibé iha loron 10 fevereiru ami ba monta prepafu iha aldeia Liakawa hetan kedas impedimentu.

Notísia relevante: http://www.tatoli.tl/2022/05/05/administrador-viqueque-husu-populasaun-uatulari-kolabora-ho-programa-edtl-ep/

Jornalista       : Vitorino Lopes da Costa

Editora           : Rita Almeida

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here