Dalan liga ba mota Welolo. Imajen/Espesiál

VIQUEQUE, 29 abril 2022 (TATOLI)–Diretór Servisu Ministériu Obra Públika (MOP) munisípiu Viqueque, Mário do Rego, hateten, ekipa téknika hosi Institutu Jestaun Ekipamentu, Institutu Públiku (IGE, I.P, sigla portugés) hahú normaliza dalan Welolo iha postu administrativu  Viqueque vila, munisípiu Viqueque ne’ebé a’at.

“Ita-nia ekipa IGE, I.P halo halo ona aterru no normaliza dalan Welolo nian, maibé dalan tuan  sira husik tanba bee sei nalihun. Entaun ekipa sira loke fali dalan sorin kuaze metru 500,” Diretór informa ba Agência Tatoli, iha nia knaar fatin, Viqueque, sesta ne’e.

Notísia relevante: Kondisaun Mota Welolo impede estudante Pre-Eskolár Unidu partisipa aula prezensiál

“Durante ne’e ita-nia komunidade sira preokupa tebes ba dalan parte Welolo nian tanba estudante sira ba eskola mós ladi’ak, tanba  bee nalihun tuir dalan de’it, entaun ema atu liu  ladi’ak,  bee maka okupa tomak estrada Welolo, maibé ekipa IGE, I.P iha ona ne’ebá la kleur tan dalan di’ak fali ona,”  nia hato’o.

Mota estraga dalan iha janeiru 2022, nune’e MOP Viqueque hato’o pedidu ba parte IGE, I.P no agora foin mak hahú normalizasaun dalan.

Jornalista : Vitorino Lopes da Costa

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here