Imajen/Media PR.

DILI, 25 abríl 2022 (TATOLI)—Parlamentu Nasionál, segunda ne’e, ratifika ona tratadu kona-ba proibisaun arma nuclear, nune’e Estadu Repúblika Demokrátika Timor-Leste (RDTL) adere ona ba tratadu refere.

Notísia Relevante: Meza PN baixa proposta tratadu proibisaun arma nuklear ba Komisaun A

“Rezultadu votasaun a-favór 45, kontra 0 no abstensaun 0, nune’e proposta rezolusaun númeru 10/V/4a aprovadu,” Prezidente Parlamentu Nasionál, Aniceto Longuinhos Guterres Lopes, deklara liuhosi plenária iha Parlamentu Nasionál, segunda ne’e.

Tuir relatóriu pareser hosi Komisaun B trata asuntu Defeza, Seguransa no Negósiu Estranjeiru ne’ebé lideradu hosi Deputadu, José Agostinho Sequeira ‘Somotxo’ ho nia konkluzaun katak ho prezente PPR konkretiza promesa umanitária Repúblika Demokrátika Timor-Leste (RDTL) realiza iha 2015 ba koopera esforsu estigmatiza, proividu no elimina arma nuklear.

Tratadu reforsa kompromisu kontra utilizasaun ameasa utilizasaun dezenvolvimentu produsaun fábriku, akizasaun, pose, armazenamentu, transferénsia ka instalasaun ba arma nuklear iha termu legál vinkulativu relativamente Tratado sobre a Não-Proloferação de Armas Nucleares (TNP), a resolução do Parlamento Nasionál numero 17/2002, 14 de novembru ho Tratado de Proibição Total de Testes Nucleares (CTBT), aberto para assinatura desde 24 de setembru 1996.

Komisaun mós emite ho rekomendasaun atu ratifika prezente tratadu importante mekanizmu legál seguransa koletivu.

Apela ba Estadu hotu ho forma asina no ratifika ka adere ba tratadu kona-ba proibisaun arma nuklear.

Iha rekomendasaun ikus mak monitoriza ba inisiativa Governu iha dominu seguransa koletiva rejional ne’ebé existe Estadu bloku rejionál espesialmente repúblika Indonézia no Austrália bele kontrola arma nuklear.

Ministra Negósiu Estranjeiru no Kooperasaun (MNEK), Adaljiza Magno, hateten tratadu kona-ba proibisaun arma nuklear hanesan tratadu ida-ne’ebé mak Timor-Leste propoin mós atu ratifika tanba ita asina ona no akordu ne’e foun foin asinatura iha 2017 presiza asibatura hodi bele vigór.

“Ita hanesan país ida-ne’ebé mak iha responsabilidade morál hodi kontribui ba estabilidade, pás iha mundu entaun ita mós ratifika tratadu ida-ne’e hodi entrada em vigor,” nia hateten.

Nune’e, atu bele bandu nasaun sira-ne’ebé mak halo ka prodús arma nuklear atu bele hapara tanba perigu tebes ba vida umanu.

“Ita hatene katak istória segundu guerra mundiál iha Japaun Hirosima Nagasaki husik hela esperiénsia trauma ida naruk tebe-tebes desde tempu ne’eba to’o agora. No, agora arma nuklear nasaun barak prodús nia efeitu sei boot kompara ho tempu liu ba, entaun ita mós lakohi repete transferensia ne’e,” nia dehan.

Jornalista : Nelson de Sousa

Editór       :  Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here