Jogadór selesaun nasionál hala’o treinamentu iha estádiu jalan besar Singapura. Imajen/ FTTL

DILI, 22 abríl 2022 (TATOLI)— Ekipa selesaun nasionál Timor-Leste U-23, sesta ne’e, arranka bá Malázia hodi halo preparasaun tékniku no fiziku hodi partisipa SEA Games, ne’ebé sei hala’o iha Vietname, fulan-maiu tinan ne’e.

“Ohin,  ita nia jogadór sira arranka bá Malázia hodi prepara ba jogu Sea Games nian, iha ne’ebá (Malázia) sei iha mós jogu amigavél hodi kontra selesaun Malázia nian,” Adjuntu Sekretáriu Jerál Federasaun Futeból Timor-Leste (FFTL), Frederico Martins hateten ba Agência TATOLI iha edifisiu FFTL, Dili, sesta ne’e.

Notísia relevante:FFTL prepara $50.000 hodi finansia selesaun nasionál partisipa SEA Games  

Nia dehan, bainhira too iha Malázia ekipa lafaek sei halo jogu amigavel ho ekipa selesaun nasionál Malázia U-23 atu koko Timor – Leste nia forsa hafoin kompete iha Sea Games, jogu amigavel ne’e sei hala’o iha 29 abríl.

Total jogadór ne’ebé arranka bá Malázia hamutuk na’in-24, maibé jogadór Paulo Gally daudaun  ne’e halo treinamentu espesiál iha fatin seluk.

“Kona-ba jogadór sira nia kondisaun ita foin mak update, maibé jogadór na’in-tolu mak hetan aleiza, hanesan João Panji ho posizaun defeza sentrál, Nelson Viegas mak defeza karuk no Mozinho de Lima avansadu prinsipál, tanba ne’e ami kontaktu ona ficha terapi iha Malázia atu too bele halo teste tan ba sira nia kondisaun fíziku,” nia informa.

Iha Jogu Sea Games ne’e Timor-Leste nia modalidade hamutuk-hitu mak sei bá partisipa hanesan, futeból, Taekwondo, Karate-do, Atletizmu, Boxe no seluk tan.

Maibé, kona-ba futeból ne’e FFTL utiliza orsamentu rasik, nune’e sira nia parte arranka uluk ona ba halo preparasaun iha Malázia hafoin hakat ba Vietnam iha fulan-maiu.  Tuir oráriu jogu Sea Games hala’o iha Vietname hahú hosi 12 too 24 maiu 2022.

Notísia relevante: FFTL hahú kontaktu nasaun rua sai fatin treinu ba selesaun nasionál U-23

Jornalista: Hortencio Sanchez

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here