Prezidente ANPM, Florentino Soares Ferreira. Imajen Tatoli/Francisco Sony

DILI, 22 abril 2022 (TATOLI)—Autoridade Nasionál Petróleu no Minerál (ANPM) sei konklui sosializasaun lei kódigu mineiru iha Ataúro iha tempu badak.

“Sosializaun iha munisípiu hotu halo ona, hela de’it Ataúro mak seidauk, maibé iha tempu badak ami sei ba Ataúro hodi konklui sosializasaun ba lei númeru 12/2021 kona-ba kódigu mineiru,” Prezidente ANPM, Florentino Soares Ferreira,  hateten ba Agência Tatoli, iha Suai Room, Timor Plaza, sesta ne’e.

Notísia relevante: ANPM sensibiliza lei kódigu mineiru hodi fó efeitu ba explorasaun

Nia dehan, lei ne’e importante tebes hodi fasilita komunidade hatene hodi esplora no foti transforma rikusoin rai-maran ne’ebé iha hanesan minerál hodi bele kontribui ba dezenvolvimentu ekonómiku no sustenta reseita Estadu.

Aleinde ne’e, ANPM mós daudaun ne’e prepara lei komplemetar sira, nune’e iha tempu barak halo promosaun no lori ba Konsellu Ministru atu aprova, hanesan ba área konstrusaun sira hanesan daudaun empreza sira aplika ba konkursu lisensiamentu petrolíferu.

“Maibé sei dezeña ba minerál nian tanba ita iha esperansa foun ba atividade minerál nian, empreza hosi rai-li’ur mós bele mai liuhosi konkursu hanesan konkursu lisensiamentu petrolíferu segunda ronde perodu 2019/2022 ba bloku 18 ka dalan seluk hosi ajustu direitu,” nia dehan.

Jornalista : Arminda Fonseca

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here