Tékniku no Brigada STAE hahú verifika no halo pakote ba materiál eleisaun prezidensiál. Imajen Tatoli/Celestina Teles.

COVALIMA, 15 abril 2022 (TATOLI)—Sekretária Tékniku Administrsaun Eleitorál (STAE) Covalima akompaña hosi ofisiál Komisaun Nasionál Eleisaun (CNE, sigla Portugués), hahú verifika no halo pakote ba materiál eleisaun prezidensial ba segunda volta. 

Notísia Relevante: STAE Covalima verifika ona livru buletin votu 124

“Hafoin ami finaliza verifikasaun ba livru buletin votu no agora kontinua verifika no halo pakote ba materiál sensitivu ho non sensitivu ne’ebé mak ekipa sira kontinua servisu,” Diretór STAE Covalima, Francisco Gusmão informa ba Agwncia Tatoli, iha nia knar fatin, Kampung Baru, sesta ne’e.

Tékniku no brigada STAE akompaña hosi Ofisál CNE hahú halo verifikasaun livru buletin votu iha kuarta (13/4), ho livru buletin votu hamutuk 10,72 ne’ebé ho nia fola hamutuk 53,600.

Objetivu tékniku no brigada STAE halo verifikasaun ba materiál eleisaun sensitivu ho non sensitivu ne’e atu haree kuantidade buletin votu no folla sira.

Tékniku no brigada STAE sira identifika livru buletin votu balun fola 51, menus hosi 50 no livru buletin votu ida liu, tanba ne’e fiskál kandidatu prezidente na’in-rua hamutuk ho Diretór STAE-CNE no komandante PNTL munisípiu Covalima asina akta konsidera livru buletin votu sai hanesan rezerva.

Prosesu verifiaksaun materiál eleisaun iha STAE munisípiu Covalima tama ona prosesu halo pakote ba materiál eleisaun prezidensiál.

Verfikasaun ba materiál eleisaun prezidensiál ne’e, observa hosi fiskál sira hosi kandidatu Prezidente Repúblika na’in-rua no observadór Oipas.

Tuir oráriu ne’ebé STAE Covalima fó sai katak hahú iha loron 15 to’o 17 fulan abril ne’e ,  halo pakote ba materiál sensitivu ho non sensitivu, iha loron 18 fulan abril ne’e sei halo distribuisaun materiál eleisaun ba sentru votasuan sira no iha 19 fulan-abril sei halo apuramentu munisípal.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here