iklan

COVALIMA, ELEISAUN

STAE Covalima verifika ona livru buletin votu 124

STAE Covalima verifika ona livru buletin votu 124

Tékniku no Brigada STAE Covalima hahú halo verifikasaun ba livru buletin votu. Imajen Tatoli/Celestina Teles.

COVALIMA, 14 abril 2022 (TATOLI)—Sekretariadu Tékniku Administrasaun Eleitorál (STAE) Covalima simu ona materiál sensitive ba eleisaun prezidensiál segunda segunda volta nian no daudaun ne’e halo ona verifikasaun ba livru buletin votu hamutuk 124.

Notísia Relevante: STAE distribui ona materiál sensitivu ba munisípiu no diáspora

Diretór STAE Covalima, Francisco Gusmão. Imajen Tatoli/Celestina Teles.

Ami hahú halo ona berfikasaun materiál sensitivu ho non sensitivu, nune’e ami verifika ona livru buletin votu hamutuk 124,” Diretór STAE Covalima, Francisco Gusmão, informa ba Agência Tatoli, iha nia knar fatin, Kampung Baru, kinta ne’e.

Materiál sensitivu ho non sensitivu ne’e transporta hosi nasionál mai Covalima iha loron 13 abríl lorokraik, ho totál livru buletin votu hamutuk 10,72 ho folla buletin votu hamutuk 53,600, no urna haat hodi tau materiál non sensitivu.

Hafoin materiál sensitivu to’o iha Covalima, Tekniku no Brigada STAE Covalima akompaña hosi Ofisiál CNE halo kedas verifikasaun, nune’e konsege finaliza verifika ona livru buletin votu 124.

Durante Tékniku no Brigada STAE halo verifikasaun livru 124 ne’e, sira identifika livru buletin votu ida mak folla 51, nune’e tékniku sira hasai hodi tau karimbu rezeitadu. 

Maske halo verifikasaun ho tempu ne’ebè limitadu maibé tékniku no brigada STAE esforsu hodi halo verifikasaun maizumenus durante loron rua (2) hanesan ne’e, bele finaliza ona halo verifikasaun maibé la signifika sira verifika liu de’it maibé sira sei verifika ho kuidadu.

Enkuantu, durante tékniku no brigada STAE halo verifikasaun matériál sensitivu ho non sensitivu ne’e observa hosi Komisaun Nasionàl Eleisaun (CNE-sigla portugués) no fiskál sira hosi kandidatu Prezidente Repúblika. 

Antes ne’e, tuir dadus hosi STAE haktuir eleitór ne’ebè atu vota 47,476 maibé realidade eleitór ne’ebè tuir vota hamutuk 37,535 ne’ebé reprezenta 79,06%, no sentru votasaun iha Covalima hamutuk 80 ho estasaun votasaun 92. 

Jornalista : Celestina Teles

Editór       : Cancio Ximenes 

iklan
iklan

Leave a Reply

iklan
error: Content is protected !!