Arsebispu Arkidioseze Metropolitana Dili, Don Virgílio do Carmo da Silva. Imajen TATOLI/Egas Cristóvão

DILI, 14 abríl 2022 (TATOLI)-Arsebispu Arkidiozese Dili, Dom Virgílio do Carmo da Silva, deseja eleisaun prezidensiál segunda ronda sei la’o hakmatek.

“Ita agradese tanba eleisaun ne’e monu loos iha tempu paskua, buat hotu motiva liután sarani sira, povu Timor ne’ebé  maioria Katóliku,  ita bele halo ita nian eleisaun ne’e didiak, hakmatek tuir ispíritu paskua nian ne’ebéita selebra daudaun”, Dom Virgílio do Carmo da Silva hateten ba jornalista sira depois remata prezide misa kinta-feira Santa iha Igreja Katedrál, ohin.

Nia hateten, eleisaun prezidensiál ronde dahuluk la’o di’ak, tanba ema hotu hakas-án, kolabora, kumpre sira nia dever.

“Agora daudaun ita halo ita nian selebrasaun paskua ninian, ita hatene katak kampaña ba eleisaun prezidensiál segunda ronde ne’e iha tempu kuaresma, semana santa. Ita hothotu hatene katak, kuarezma ne’e prepara oinsá ita bele selebra ita nian eleisaun ne’e ho ispíritu paskua ninian, respeita malu, ispírtu rona malu, ispíritu dame nian”, dehan Dom Virgílio do Carmo da Silva.

Notísia relevante: Dom Virgílio: Mundu ohin loron susar atu serbí malu

Jornalista: Natalino Costa

Editora     : Rita Almeida

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here