Prezidente Komisaun G, Deputadu António Verdiál. Imajen Tatoli/Nelson de Sousa.

DILI, 11 abríl 2022 (TATOLI)—Prezidente Komisaun G Trata Asuntu Edukasaun, Juventude, Kultura no Sidadania iha Parlamentu Nasionál, António Verdiál de Sousa, kontinua ezije ba Ministéiru Edukasaun Juventude no Kultura (MEJD) atu aselera prosesu saláriu retroativu manorin sira iha territóriu nasionál.

Notísia Relevante:  Tinan tolu resin manorin João da Costa la simu saláriu

“Bolu nafatin atensaun ba  Ministru Edukasaun Juventude no Kultura atu bele rona halerik profesór ka manorin sira-nian ne’ebé semanalmente ami hato’o iha uma demokrásia  ida-ne’e, liu-liu ba iha sira-nia direitu kumprieona devér maibé la tau importánsia. Tanba saida mak hau levanta kestaun direitu manorin sira-nian, tanba hosi rekomendasaun sira-ne’ebé komisaun rekomenda semanalmente to’o agora seidauk iha resposta,” António Verdiál levanta liuhosi reuniaun plenária PN, segunda ne’e.

Nia dehan, exemplu ida hosi manorin balun ne’ebé hanorin estudante iha área remota iha eskola  bázika filiál Taroman, iha suku Taroman, postu administrativu Fatululik, munisípu Covalima, ne’ebé dezde fulan dezembru 2019 to’o ohin loron seidauk simu nia saláriu.

Reprezentante povu ne’e preokupa tebes prosesu atrazu hosi Ministéiru Edukasaun Juventude no Desportu (MEJD) ne’ebé durante tinan tolu (3) nia laran, manoroin refere la simu nia direitu tomak.

“Tinan tolu ona nai-ulun sira hosi Ministéiru Edukasaun Juventude no Desportu husu nafatin atu manorin sira hein prosesu ho pasiénsia,” nia dehan.

Deputadu hosi bankada KKUNTO, husu MEJD atu identiflka manorin iha eskola hotu iha territóriu nasionál ne’ebé to’o agora seidauk simu saláriu retroativu no aselera prosesu lais saláriu ba manorin kontratadu sira iha territóriu tomak.

Iha parte seluk, Deputadu bankada Governu ne’e hakarak mós fó hanoin ba MEJD atu aselera   manorin ne’ebé mak mai hosi Portugal hodi hanorin iha eskola Sentru Aprendizajen Formasaun Eskolár (CAFÉ, siglá portugés), tanba tama ona ba finál dahuluk iha períodu  eskolar maibé  eskola CAFE iha territóriu  seida’uk iha manorin na’in  sira mai hosi nasaun Portugal.

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here