Uma Kbiit laek (UKL) iha suku Fatulia, postu administrativu Venilale, munisípiu Baucau. Imajen Tatoli/Natalino Belo.

DILI, 08 abríl 2022 (TATOLI)–Vise Ministru Administrasaun Estatál (MAE), Lino de Jesus Torrezão, informa Ministériu Administrasaun Estatál (MAE) liuhosi Programa Nasionál Dezenvolvimentu Suku (PNDS) halo konstrusaun ba Uma Kbiit Laek ba povu kbiit laek sira iha territóriu nasionál atinje ona 91%.

Notísia Relevante: Konstrusaun Uma Kbiit Laek faze dahuluk atinje ona 70%

“Hosi benefisiáriu ema 1.254 iha territóriu nasionál, MAE konstrui ona Uma Kbiit Laek hamutuk 1.141 iha suku hamutuk 150,” Lino de Jesus Torrezão hateten iha konferénsia imprensa, Palásiu Governu, kinta ne’e.

Nia esplika, hosi konstrusaun hirak ne’e sei falta uma 113 (9%) mak seidauk konstrui tanba de’it kondisaun dalan mak aat ne’ebé la permite transpote atu transporta materiál konstrusaun ba to’o iha benfisiáriu sira-nia fatin.

Fatin hirak ne’ebé mak difikulta MAE atu halo konstrusaun ba Uma Kbiit Laek ne’e kompostu hosi suku Afaloicai iha Postu Administrativu Baguia, suku Soba iha postu adminsitrativu Laga, munisípiu Baucau.

Governante ne’e hateten tanba suku hirak-ne’e lokaliza iha área remotas maibé Governu garante no toma desizaun atu nune’e materiál hirak-ne’e sei to’o iha fatin.

Nia informa, programa Uma Kbiit Laek ba tinan 2021 ne’e Governu prevee osan miliaun $25 hodi halo konstrusaun iha territóriu Timor-Leste.

Nia konsidera Programa Nasionál Dezenvolvimentu Suku oferese ba benefisiáriu ne’ebé mak família kbiit laek no kria mós traballadór ba Uma Kbiit Laek hamutuk 27.000.

Ba tinan 2022 ne’e, VIII Governu Konstitusionál aloka tan osan hamutuk millaun $71 hodi halo konstrusaun Uma Kbiit Laek (UKL) ba faze daruak nian no kada suku sei hetan uma 10 ezetu munisípiu Dili.

Notísia Relevante: OJE 2022 millaun $33,7 ba MAE aprovadu iha espesialidade

Jornalista : Osória Marques

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here