Diretór Incanto Group Joanico Jeronimo troka no akordu ho Prezidente Arabian Centers Human Resources Group Jobs Global, Samer Salibi, tersa (05/04). Imajen/Espesiál

DILI, 05 abril 2022 (TATOLI)–Ajénsia Nasionál Incanto Group asina akordu ofisiál ho Ajénsia Internasional Jobs Global, tersa ne’e, hodi lori traballadór timor-oan bá serbisu iha Dubai, Emiradu Arábe Unidu (EAU).

Akordu hosi parte rua realiza tanba antes ne’e Timor-Leste marka prezensa iha Expo Dubai 2020, nune’e liuhosi espozisaun mundiál ne’e halo ajénsia rua hasoru malu.

Iha ámbitu asina akordu, Diretór Incanto Group, Joanico Jerónimo, agradese ba Governu liuhosi Ministériu Turizmu Komérsiu no Indústria (MTKI) hodi loke dalan ba inisiativa ne’e.

“Agradese ba VIII Governu ne’ebé partisipa iha Expo Dubai to’o ita realiza atividade asina akordu entre Timor-Leste no EAU, hodi fasilita traballadór timor-oan bele serbisu iha Dubai,” Joanico Jerónimo, hateten liuhosi nota ne’ebé Agência TATOLI asesu, tersa ne’e.

Notísia relevante: Ekipa traballu Expo 2020 Dubai partisipa eventu internasionál kafé

Biban ne’e, Prezidente Arabian Centers Human Resources Group Jobs Global, Samer Salibi, hateten, akordu ne’e hodi hametin liután kooperasaun atubele fasilita timor-oan asesu serbisu iha Dubai.

Seremónia ne’e partisipa hosi Koordenador Jerál, Autoridade Nasionál Expo Dubai Timor-Leste (ANED-TL), Manuel Vong, Diretór Jeral Sekretária Estadu Formasaun Profesionál no Diretór Jerál Sekretaria Estadu Formasaun Profisionál no Empregu (SEFOPE), Paulo Alves no ekipa delegasaun Timor-Leste iha Dubai.

Jornalista : Arminda Fonseca

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here