Delegasaun Timor-Leste no ekipa hosi nasaun seluk hasai foto hamutuk hafoin partisipa eventu internasionál kafé, segunda (21/02). Imajen/Espesiál

DILI, 23 fevereiru 2022 (TATOLI)–Ekipa traballu Expo 2020 Dubai, semana ne’e, partisipa iha eventu internasionál kona-ba kafé, ne’ebé inisia hosi ekipa traballu iha Pavilliaun nasaun Angola, distritu Mobalidade.

Reprezentante Timor-Leste iha eventu inernasionál kafé, Zito Correia, hateten, objetivu Timor-Leste partisipa iha eventu internasionál ne’e, atu promove produtu kafé Timór, ne’ebé sai hanesan produtu prinsipál.

“Ita-nia partisipasaun iha eventu internasionál ne’e atu halo promosaun kafé Timór,” Zito Correia, relata liuhosi nota ne’ebé Agência TATOLI asesu, kuarta ne’e.

Notísia relevante: Timor-Leste tama lista fa’an produtu iha Pos-Expo Dubai

Iha eventu internasionál ne’e, aleinde Timor-Leste sai nu’udar partisipadór, sai mós oradór hodi ko’alia kona-ba istória kafé ne’ebe eziste iha país hahú hosi tinan 1860.

Nia esplika katak daudaun ne’e, Timor-Leste iha kafé variante Arabika no Rabusta, maibé iha tinan 1920, mosu tan variante foun ho naran íbridu Timór, ne’ebé maihosi kruzamentu naturál, entre Arabika ho Rabusta, ne’ebé lokaliza iha Matanoba, Fatubesi, munisípiu Ermera.

Eventu internasionál ne’e inisia hosi ekipa traballu iha Paviliaun Nasaun Angola, ne’ebé hetan akompañamentu hosi Diretór Paviliaun, Jelino Soares no mós Diplomata Senior Licinio Branco Hosi Ministériu Negósiu Estranjeiru no Kooperasaun (MNEK).

Aleinde ne’e, hosi Nasaun Etiopia, São Tomé e Principe, Cabo-Verde, Mexico, no mós reprezentante hosi Unidade Árabe Unide.

Jornalista : Arminda Fonseca

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here