Kandidatu Prezidente Repúblika períodu 2022-20027 ne’ebé sei kompete iha Eleisaun Prezidensiál segunda volta iha 19 abríl. Imajen/Octávio de Jesus Guterres

DILI, 31 marsu 2022 (TATOLI)–Primeiru-Ministru (PM), Taur Matan Ruak, foin lalais simu ona karta hosi igreja katólika atu husu Governu muda oráriu kampaña segunda volta ba Eleisaun Prezidensiál hosi Kandidatu Prezidente Repúblika (PR) rua, tanba tama iha semana santa.

Nune’e, hosi parte Xefe Governu hateten labele halo ona mudansa, maibé Kandidatu PR mak presiza respeita loron Páskua bainhira halo atividade.

“Kandidatura sira nu’udar katólika mak tenke respeita de’it regra, tanba kuandu muda ne’e labele. Konserteza loron 14 to’o 15 ema hotu la halo kampaña, ha’u rasik ba kampaña ne’e mós sei la halo, ha’u sei deskansa,” Xefe Governu hateten hafoin reuniaun semanál ho Prezidente Repúblika iha Palásiu Prezidensiál, Bairro Pité, kinta ne’e.

Notísia relevaante: CNE hahú halo limpeza ba atributu kandidatu PR iha kapitál

Antes ne’e, Vise-Prezidente Komisaun Nasionál Eleisaun (CNE-sigla portugés), Domingos Barreto, admite simu karta koñesimentu hosi Xefe Governu no halo ona apresiasaun.

“Ami halo ona apresiasaun, maibé ami la deside tanba karta ne’ebé mak ami simu hanesan terusan hosi Primeiru-Ministru de’it, la’ós direita mai ami, entaun ami hein de’it hosi Primeiru-Ministru mak dekreta, depois hanesan órgaun eleitorál halo tuir de’it saida mak ita-nia Xefe Governu deside ba karta hosi igreja ne’e,” Domingos Barreto dehan.

Enkuantu, tuir kalendáriu kampaña segunda volta ne’ebé aprova hosi CNE, hahú hosi loron 02 abríl to’o 16 abríl 2022 no eleisaun iha loron 19 abríl.

Jornalista : Antónia Gusmão

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here