Edifísiu CNE. Imajen Tatoli/Francisco Sony

DILI, 29 marsu 2022 (TATOLI) – Ofisiál Monitorizasaun CNE hamutuk 237 ho Polísia Nasionál Timor-Leste (PNTL), no Jestaun Munisípiu Dili, tersa ne’e, halo atividade limpeza ba atributu kandidatu Prezidente Repúblika iha kapitál.

“Decreto do Governo N.° 3/2022 de 10 de janeiro, hateten depois eleisaun hotu semana ida fó biban atu reprezentante kandidatu sira atu hamoos atributu kampaña durante loron 15, entaun iha períodu ne’e reprezenta la hamoos ka la hasai atributu iha espasu públiku maka CNE halo koordenasaun ho entidade relevante liu-liu seguransa sira, nune’e ohin, ita CNE hahú halo limpeza ba atributu kandidatu iha kapitál”, Diretór Nasionál CNE Díli, Adelino de Oliveira Maia, hateten via telefone, ohin.

Nia dehan atividade limpeza ba atributu kandidatu eleisaun prezidensiál ne’e iha Dili durante loron tolu, hahú ohin to´o kinta-feira. Maibé kandidatu ho númeru sorteiu 6, Francisco Guterres Lú Olo ho kandidatu númeru sorteiu 14, José Ramos Horta sei mantein to´o kampaña segunda volta.

“Kandidatu na’in rua ne’e sei hakat ba segunda volta entaun ohin ita labele hasai no ita hasai mak kandidatu PR na’in 14”, konklui.

Jornalista: Osória Marques

Editór : Zezito Silva

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here