Deputada Domingas dos Santos. Imajen TATOLI/Evaristo Soares Martins.

DILI, 29 marsu 2022 (TATOLI)—Deputada hosi Bankada Parlamentár Partidu Libertasaun Populár (PLP), Domingas dos Santos, kontinua ezije ba Ministéiru Edukasaun Juventude no Desportu (MEDJ), atu buka solusaun ba estudante finalista ensinu sekundáriu sira-nia problema kona-ba diploma ne’ebé to’o agora sira seidauk simu.

Notísia Relevante: KFP husu DSED sesante asume responsabilidade asina diploma estudante

“Ami-nia fiskalizasaun ba iha munisípiu no Dili iha lamentasaun barak estudante sira-ne’ebé ramata ona sira-nia estudu iha ensinu sekundáriu ne’ebé to’o agora labele hetan sira-nia diploma. Problema ne’e akontese tanba labele asina diploma hosi Diretór Edukasaun ne’ebé halo ona subtituisaun, nune’e kontinua husu Governu buka solusaun,” Deputada ne’e levanta iha plenária Parlamentu, tersa ne’e.

Ba tinan akadémiku 2021, iha estudante finalista na’in-21.567 mak termina ona estudu iha nivel Sekundária Jerál no Tékniku Vokasionál, maibé to’o agora seidauk hetan diploma formál.

Deputada ne’e hateten, bainhira seidauk iha diploma formál bele prezudika estudante sira kontinua sira-nia estudu iha ensinu superiór, hanesan balun konkore bolsu estudu ruma ba nasaun seluk mós sira labele konkorre.

Hatán ba lamentasaun ne’e reprezenta Governu liuhosi Sekretáriu Estadu Komunikasaun Sosiál (SEKOMS), Merício Juvinal Akara, hateten rejista hela preokupasaun ne’e no sei enkamina ba ministéiru relevante hodi fó resposta.

Jornalista : Nelson de Sousa

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here