Ilustrasaun COVID-19. Imajen/Espesiál

DILI, 27 marsu 2022  (TATOLI)—Ministériu Saúde (MS) relata dadus COVID-19 iha Timor-Leste, iha domingu ne’e, ne’ebé la rejista kazu detetadu foun, rekuperadu ida no kazu ativu 13.

“Nune’e, hahú loron 21 marsu 2020 to’o 27 marsu 2022 iha kumulativu kazu konfirmadu 22.821 no óbitu 130,” Diretora Jerál Prestasaun Saúde, Odete da Silva Viegas, infora liuhosi nota ne’ebé Agência TATOLI asesu, domingu ne’e. 

Hosi horisehik mai ohin, Laboratóriu Nasionál Saúde halo teste Polymerase Chain Reaction (PCR) hamutuk 62,  kompostu hosi vijilánsia sentinela rua, rastreiu ba kontaku laiha, rastreiu aleatóriu 31, viajen internasionál 29, no follow up iha kuarentena laiha.

Notísia relevante: COVID-19: kazu detetadu pozitivu na’in-haat no ativu 14

Aleinde ne’e, totál teste PCR ne’ebé halo iha loron 25 marsu 2022 iha munisípiu seluk, Rejiaun Administrava Espesiál Oé-cusse no Ambeno (RAEOA) no Hospitál Nacional Guido Valadares (HNGV) hamutuk 70, kompostu hosi Maubisse laiha,  Maliana  haat, Viqueque laiha, Suai laiha,  Baucau laiha, Ermera laiha, RAEOA laiha, HNGV  66,  Lautém laiha, Vera Cruz laiha no Manufahi laiha.

Enkuantu, populasaun elijível tinan-18 ba leten, ne’ebé simu ona vasina to’o iha loron 26 marsu 2022, tuir sistema informasaun saúde iha MS, hanesan kumulativu doze sahuluk iha Dili 89,2% no kumulativu doze daruak iha 83,7%.

Sidadaun iha territóriu nasionál ne’ebé simu ona vasina doze dahuluk iha Timor-Leste 85,4% no simu ona doze daruak 72,7%.

Hosi insidénsia COVID-19 iha Timor-Leste, durante loron hitu ikus maka 0,2/100 mil abitante.

Iha loron  26  marsu  2022, izolamentu Vera Cruz, Lahane, HNGV no fatin seluk iha territóriu laran tomak, halo tratamentu ospitalizadu ba kazu detetadu pozitivu rua, baixa ho COVID-19 hamutuk rua.

Jornalista : Hortencio Sanchez

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here