COVID-19: kazu detetadu pozitivu na’in-haat no ativu 14
DILI, 26 marsu 2022 (TATOLI)— Ministériu Saúde relata, kazu detetadu pozitivu foun na’in-haat, rekuperadu ualu no kazu ativu 14.
“Ohin kazu detetadu foun haat , rekuperadu ualu no kazu ativu 14,” hateten Diretora Jerál Prestasaun Saúde Odete da Silva Viegas liuhosi nota ne’ebé Agência TATOLI asesu, sábadu ne’e.
Nune’e, hahú 21 marsu 2020 to’o 26 marsu 2022 iha kumulativu kazu konfirmadu 22.821 no óbitu 130.
Hosi horisehik mai ohin, Laboratóriu Nasionál Saúde halo teste PCR 62, kompostu vijilánsia sentinela rua, rastreiu ba kontaku laiha, rastreiu aleatóriu 31, viájen internasionál 29, follow up iha kuarentena laiha.
Alende ne’e, totál teste PCR ne’ebé halo iha 25 marsu 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 70 hanesan Maubisse laiha, Maliana haat, Viqueque laiha , Suai laiha, Baucau laiha, Ermera laiha, RAEOA laiha, HNGV 66, Lautém laiha, Vera-Cruz laiha no Manufahi laiha.
Populasaun elijível tinan 18 ba leten, ne’eb é simu ona vasina to’o iha loron 26 marsu 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (89,2%) no kumulativu 2ª doze iha Dili (83,7%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 85,4% no simu ona doze daruak 72,7%.
Hosi insidénsia COVID-19 iha Timor-Leste, durante loron hitu ikus maka 0,2/100 mil abitante.
Iha loron 26 marsu 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu rua, baixa ho COVID-19 hamutuk rua.
Notísia Relevante: COVID-19: kazu rekuperadu haat no ativu 14
Jornalista: Felicidade Ximenes
Editór : Florencio Miranda Ximenes
