Komisaun Nasionál ba Eleisaun (CNE, sigla portugés), kalan ne'e iha CNE kontinua halo apuramentu ba rezultadu eleisaun foin lalais ne'e. Imajen TATOLI/Mirandolina Barros

DILI, 23 marsu 2022 (TATOLI)-Komisaun Nasionál ba Eleisaun (CNE, sigla portugés) foin atu konklui prosesu apuramentu munisípiu Bobonaru, enkuantu Aileu, Ainaru no Baukau termina ona.

Vise Prezidente Komisáriu CNE, Domingos Barreto, informa desde horisehik to’o ohin kalan ne’e halo ona apuramentu ba munisípio ha’at.

“Ami esforsu atu aselera lalais liu mos labele, estamina mos menus, hodikalan ami to’o tuku ida kalan, ohin mos nune’e. Ami tenta ho esforsu tomak kumpre orden 72 horas nian ne’e, se la hotu, ami sei haruka karta ba tribunál atu fó tan tempu loron ida”, dehan nia ba jornalista Tatoli iha CNE, kalan ne’e.

CNE tenke termina prosesu apuramentu to’o aban kalan hodi kompleta loron tolu alias oras 72 nia-laran tuir lei eleitorál.

“Aban mak la-hotu, aban ami sei halo reuniaun ida ho reprezentante kandidatu sira, hodi fó sira nia hanoin, depois ami sei halo karta ida ba tribunál atu estende tan apuramentu ne’e uza fali tempu ida atu elabora akta ne’e hodi kontinua halo apuramentu”, nia dehan.

Munisípiu Aileu ho totál voto hamutuk 28.098 (22.65%), Ainaru 34.853 (28.09%), no Baukau 61.121 (49.26%).

Notísia relevante: CNE rejista votu nulu kuaze 13.000 iha teritóriu inklui diaspora

Jornalista  : Mirandolina Barros Soares

Editora       : Rita Almeida

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here