Jornalista sira bainhira halo kobertura iha ámbitu luta kontra COVID-19. Imajen TATOLI/Egas Cristóvão.

DILI, 22 marsu 2022 (TATOLI)—Diretór Administrasaun no Finansa iha Ministériu Asuntu Parlamentár no Komunikasaun Sosiál (MAPKOMS), Adriano Monteiro informa, kuarta (23/03) aban, MAPKOMS sei submete naran jornalista liña frente hamutuk 507 ba Ministériu Finansa (MF), nune’e bele prosesa no jornalista sira bele hetan suplementu remuneratóriu.

Notísia Relevante: MAPKOMS prosesa hela subsídiu ba jornalista liña frente

“Aban dadeersan, ita submete ona lista jornalista liña frente hamutuk 507 ba Ministériu Finansa, nuene’e bele prosesa. Lista ba jornalista liña frente ne’ebé durante ne’e verifika hosi finansa MAPKOMS nian daudaun ne’e rezolvidu ona, nune’e submete ona ba MF hodi halo pagamentu,” Adriano Monteiro hateten ba Ajénsia Tatoli, via telefónika, tersa ne’e.

Enkuantu, jornalista na’in-507 ne’ebé sei hetan suplementu remuneratóriu ne’e mai hosi territóriu nasionál ne’ebé kompostu hosi jornalista sira hosi mídia emprime no mídia eletrónika hanesan rádiu, online no no televizasaun.

Diretór Nasional Diseminasaun Informasaun (DNDI) iha Ministériu Asuntu Parlamentár no Komunikasaun Sosiál (MAPKOMS), Estevão Belo, hateten jornalista sira-ne’ebé sei hetan suplementu remuneratóriu ne’e hamutuk 507 ne’ebé kompostu hosi jornalista, editór, fotaografu no videografista.

Jornalista : Nelia Fernandes

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here