DILI, 21 marsu 2022 (TATOLI)— Ministériu Saúde relata, kazu detetadu pozitivu foun na’in-ida, rekuperadu tolu no kazu ativu 20.
“Ohin kazu detetadu foun ida, rekuperadu tolu no kazu ativu 20,” hateten Diretora Jerál Prestaun Saúde Odete da Silva Viegas liuhosi nota ne’ebé Agência TATOLI asesu segunda ne’e.
Nune’e, hahú 21 marsu 2020 to’o 21 marsu 2022 iha kumulativu kazu konfirmadu 22.805 no óbitu 130.
Hosi horisehik mai ohin, Laboratóriu Nasionál Saúde halo teste PCR 53, kompostu vijilánsia sentinela laiha, rastreiu ba kontaku laiha, rastreiu aleatóriu 53, viájen internasionál laiha no follow up iha kuarentena laiha.
Alende ne’e, totál teste PCR ne’ebé halo iha 19 marsu 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) tolu hanesan Maubisse laiha, Maliana tolu, Viqueque laiha, Suai 11, Baucau laiha, Ermera laiha, RAEOA laiha, HNGV laiha, Lautém la iha, Vera Cruz laiha no Manufahi laiha.
Populasaun elijível tinan 18 ba leten, ne’ebé simu ona vasina to’o iha loron 21 marsu 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (88,9%) no kumulativu 2ª doze iha Dili (83,5%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 85,2% no simu ona doze daruak 72,5%.
Hosi insidénsia COVID-19 iha Timor-Leste, durante loron hitu ikus maka 0,2/100 mil abitante,
Iha loron 20 marsu 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu ida, baixa ho COVID-19 hamutuk ida.
Notísia Relevante:COVID-19: óbitu na’in-ida no kazu ativu 28
Jornalista : Felicidade Ximenes
Editór : Florencio Miranda Ximenes
