Médiku hala'o vasina Booster ba sidadaun estranjeiru ida hodi kombate moras Covid-19. Iha Sentru Saúde Formoza Dili, kuarta (09/02). Imajen Tatoli/Francisco Sony

DILI, 17 marsu 2022  (TATOLI)—Ministériu Saúde (MS) relata, kazu óbitu na’in-ida, detetadu pozitivu foun  ida, rekuperadu  rua no kazu ativu 28.

“Óbitu ne’ebé relata ohin na’in-ida, mak pasiente feto ho idade 65. Matebian hela iha Dili, postu Cristu-Rei, suku Bidau. Matebian tranferénsia hosi HNGV ba Izolamentu Lahane iha loron 16 marsu. ho Dx: Muiti Organ Failure, Shock Septico + Covid-19. CT 22,9. Matebian vasina AstraZeneca Kompleta. Hakotu iis iha tuku 17:40, lokoraik,” hateten Diretora Jerál Prestaun Saúde Odete da Silva Viegas liuhosi nota ne’ebé Agência TATOLI asesu, kinta ne’e. 

Nune’e, hahú 21 marsu 2020 to’o 17 marsu 2022  iha kumulativu kazu konfirmadu 22.802 no óbitu 130.

Hosi horisehik mai ohin, Laboratóriu Nasionál Saúde halo teste PCR 183, kompostu vijilánsia sentinela laiha, rastreiu ba kontaku 12, rastreiu aleatóriu 129, viájen internasionál 42, follow up iha kuarentena laiha.

Alende ne’e, totál teste PCR ne’ebé halo iha 16 marsu  2022   iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 85 hanesan Maubisse laiha,  Maliana  12, Viqueque laiha , Suai 11,  Baucau 11, Ermera laiha , RAEOA laiha, HNGV 51,  Lautém laiha, Vera Cruz laiha no Manufahi laiha.

Populasaun elijível tinan 18 ba leten, ne’ebé simu ona vasina to’o iha loron 17 marsu  2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (88,8%) no kumulativu 2ª doze iha Dili (83,5%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 85,1% no simu ona doze daruak 72,4%.

Hosi insidénsia COVID-19 iha Timor-Leste, durante loron hitu ikus maka 0,2/100 mil abitante.

Iha loron  17  marsu  2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu rua, baixa ho COVID-19  hamutuk rua.

Notísia Relevante: COVID-19: kazu detetadu pozitivu na’in-neen no ativu 30

Jornalista: Felicidade Ximenes

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here