Kampaña loron ikus ba Kandidatu Prezidente Repúblika hosi partidu FRETILIN, ba períodu 2022-2027, Francisco Guteres 'Lu Olo', iha Tasi-tolu, kuarta (16/03). Imajen TATOLI/Francisco Sony

DILI, 16 marsu 2022 (TATOLI)–Kandidatu Prezidente Repúblika (PR) hosi partidu Frente Revolusionária  do Timor-Leste Independente (FRETILIN) períodu 2022-2027, ho númeru sorteiu 06, Francisco Guterres ‘Lú Olo’, kuarta ne’e, halo kampaña iha loron ikus, iha Tasi-tolu.

Kandidatu Prezidente Repúblika períodu 2022-2027, Francisco Guteres ‘Lu Olo’, hato’o ninia kompromisu polítiku durante kampaña aberta, iha Tasi-tolu, kuarta (16/03). Imajen TATOLI/Francisco Sony

“Ha’u sei sai Prezidente Repúblika ba povu tomak, Prezidente Repúblika ida de’it ba Timor-Leste,” Lú Olo hato’o kompromisu polítiku.

Nune’e, kandidatura ne’e husu ba apoiante sira, iha loron 19 marsu bele vota ba nia (númeru 06), atu hametin pás no estabilidade iha rai-laran.

Apoiante Kandidatu Prezidente Repúblika períodu 2022-2027, Francisco Guteres ‘Lu Olo’, iha Tasi-tolu, kuarta (16/03). Imajen TATOLI/Francisco Sony

“Bainhira sai Prezidente Repúblika, ha’u sei kumpre de’it ha’u-nia knaar tuir Konstituisaun, sei respeita nafatin prinsípiu separasaun poder, no sei loke odamatan ba malu, atu nune’e iha interdependénsia entre órgaun sira hotu hodi hala’o sira-nia knaar atu lori dezenvolvimentu ne’e ba-oin. Ha’u mós sei hamutuk ho órgaun sira hadi’a povu nia moris liuhosi ekonomia sustentável liuhosi fundu mina-rai, tanba osan ne’e povu nian,” nia dehan.

Lú Olo mós promete sei hamutuk ho povu hodi kombate korrupsaun iha Timor-Leste, tanba kestaun ne’e daudaun buras no sai moras a’at iha país. Tanba ne’e maka bainhira reeleitu, nia sei hadi’a kestaun sira ne’ebé la fó valór ba Estadu.

Notísia relevante: Lu Olo sei halakon korrupsaun no dignifika estatuta RAEOA

Kampaña loron ikus ba Kandidatu Prezidente Repúblika hosi partidu FRETILIN, ba períodu 2022-2027, Francisco Guteres ‘Lu Olo’, iha Tasi-tolu, kuarta (16/03). Imajen TATOLI/Francisco Sony

Atuál Xefe Estadu pba eríodu 2017-2022 ne’e, komprometidu sei tau importánsia ba instituisaun Estadu hanesan Polísia Nasionál Timor-Leste (PNTL) no FALINTIL-Forsa Defeza Timor-Leste (F-FDTL) hodi sai lutu nasaun ne’ebé di’ak no profisionál hodi fó seguransa di’ak ba povu no nasaun.

Apoiante Kandidatu Prezidente Repúblika períodu 2022-2027, Francisco Guteres ‘Lu Olo’, iha Tasi-tolu, kuarta (16/03). Imajen TATOLI/Francisco Sony

Lú Olo hakarak kria relasaun internasionál di’ak ho nasaun seluk no sei reprezenta povu no nasaun ba de’it interese nasaun no povu, hodi promove nasaun iha rai-li’ur.

Atividade ne’e hetan observasaun hodi observadór Uniaun Europeia, supervizaun hosi Komisaun Nasionál Eleisaun (CNE, sigla portugés), Provedoria Direitu Umanu no Justisa (PDHJ, sigla portugés), no hetan seguransa másima hosi PNTL.

Jornalista : Antónia Gusmão

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here