Diretór Ezekutivu Asosiasaun HAK, Sisto dos Santos. Imajen TATOLI/Egas Cristovão.

DILI, 15 marsu 2022 (TATOLI)–Diretór Ezekutivu Asosisaun Direitu Umanu (HAK, sigla portugés), Sisto dos Santos, apresia ba kandidatu Prezidente Repúblika 2022-2027 na’in-16 ne’ebé hatudu iha debate públiku foka de’it ba ida-idak nia vizaun no misaun ho kompromisu eleitorál hodi fasilita eleitorál sira hodi rona programa iha eleisaun prezidensiál 2022.

Notísia Relevante: Pergunta debate públiku ba kandidatu PR sei fahe ba sesaun tolu

“HAK hakarak hato’o apresiasaun boot ba kandidatu na’in-16 ne’ebé hatudu personajen maduru tebes kualidade hodi manifesta nia programa tinan lima mai,” Diretór HAK ne’e hateten ba Agência Tatoli hafoin partisipa iha debate entre kandidatu Prezidente Repúblika iha Hotel Novo Turizmu, tersa (15/03) ne’e.

Nia dehan, diferensa iha loron 15 kampaña liubá ho emosionál no ohin sai panorama ida-ne’ebé mak dame bele materializa iha jogu demokrásia ema ida-idak ho enerjénsia projeta programa tinan lima mai haree ba kondisaun ekonomia krusiál sustentav’el hanesan bee-moos, saúde, edukasaun, asuntu labarik no feto, joven nonema ho defisiénsia.

Hirak ne’e manifesta hosi kandidatu nune’e hein bainhira hetan fiar hosi povu atu bele realiza promesa sira ba moris di’ak povu nian.

Nia dehan, debate ne’e hein hosi natureza ida-ne’e bele fó ona mensajen dame ho pás ba ita-nia votante ho apoiante ba sé de’it mak hetan konfiansa ba povu timor-oan hotu.

“Hosi situasaun ne’e rekupera ita-nia situasaun psikolojia ne’ebé mak dezde iha kampaña liu-bá hosi debate públiku, bele muda emosaun insulta malu, nune’e iha 19 marsu foku ba konsentra ba eleisaun,” nia hateten.

Jornalista : Nelson de Sousa

Editór       : Cancio Ximenes

 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here