Sekretáriu Jerál Partidu Congresso Nasionál Reconstrução Timorense (CNRT), Francisco Kalbuady Lay, apela ba apoiante kandidatu Prezidente Repúblika, José Ramos Horta, mantein dixiplina iha kampaña dala ikus nian iha Tasi-Toli, tersa (15.03). Imajen Tatoli/Nelson de Sousa.

DILI, 14 marsu 2022 (TATOLI)— Sekretáriu Jerál Partidu Congresso Nasionál Reconstrução Timorense (CNRT), Francisco Kalbuady Lay, apela ba apoiante kandidatu Prezidente Repúblika períodu 2022-2027, José Ramos Horta, mantein dixiplina no hasees an hosi violénsia iha kampaña ikus nian ne’ebé sei realiza iha 15 marsu 2022 iha Tasi-Tolu, Dili.

Notísia Relevante: Horta sei serbisu hamutuk ho Governu lori Timor-Leste sai Membru ASEAN

“Ba kuadru, militante no apoiante hotu-hotu atu la’o ho dixiplina, respeita lei no orden públika hodi evita provokasaun no hasees an hosi aktu violénsia durante komisiu iha Tasi-Tolu,” Kalbuady hateten ba jornalista sira liuhosi konferénsia imprensa iha sede partidu CNRT, Bairru dos Grillos, Dili, segunda ne’e.

Husu ba apoiante sira atu respeitu sinais tránzitu no respeita mós ba ema seluk nia liverdade hodi uza estrada públiku, nune’e bele kria ambiente pás no domin iha festa demokrásia iha elisaun prezidensiál 2022 ne’e.

Nia apela ba estrutura nasionál partidu CNRT hahú hosi Selcom, Nurep, Koodenadór postu administradór sira iha munisípiu Dili no mós ba militante no apoiante hosi movimentu polítiku sira-ne’ebé mak apoiu Jose Ramos Horta, katak kampaña sei hahú iha tuku 08h30 dader to’o iha 17h30 lorokraik.

“Mobilizasaun militante ho apoiante sira sei konsentra hamutuk iha kada postu administrativu ida-ida nian, antes atu hala’o konvoi ba Tasi-tolu,” nia dehan.  

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here