Diretór Jerál Sekretariadu Tékniku Administrasaun Eleitoral (STAE), Acilino Manuel Branco. Imajen Tatoli/Egas Cristovão.

DILI, 09 marsu 2022 (TATOLI)—Diretór Jerál Sekretaraidu Tékniku Eleitorál (STAE), Acilino Manuel Branco, informa Empreza Gráfika Nasionál ne’ebé Governu indika emprime bulletin votu ba eleisaun prezidénsiá 2022 ne’e konklui no atinje ona 100%, no nia prefursaun mós ramata ona.

Notísia Relevante: STAE seidauk define empreza gráfika atu emprime buletin votu

“Buletin votu emprime 100% ona. Ita emprime hotu ona no perfurasaun mós hotu ona, no hein halo pakote de’it ona, tanba ita presiza hatene pakote kuantidade hira mak atu haruka ba rai-li’ur no hira mak ita sei haruka ba munisípiu sira-ne’e, ita prepara hotu ona,” Acilino Branco hateten ba Agência TATOLI, iha resintu Palásiu Governu, kuarta ne’e.

Pakote buletin votu ne’ebé ense ona ba kaixa (dos) ne’e kuaze 70%-resin ona, nune’e iha kuarta (09/03) no kinta (10/03) ne’e Empreza Gráfika Nasionál bele kompleta no sira bele entrega ona ba STAE.

“Ita iha eleitór hamutuk 900.000-resin, entaun ita prodús ba livru buletin votu ne’e hamutuk 19.000-resin no kada livru iha folla 50. Tanba ita-nia prosesu hanesan ne’e ita emprime númeru eleitór sira kada suku,” nia dehan.

Ezemplu, iha eleitór hamutuk 47 entaun ita haruka ba folla 50 maibé ne’e la’ós ita aumenta, nia mekanizmu kontrollu ne’e ita sei kontrolla hosi akta de’it.

Empreza Gráfika Nasionál mak emprime bulletin votu ba eleisaun 2022-2027 ne’ebé mak hahú imprime iha loron 25 fevereiru no termina iha loron 11 marsu tinan ne’e.

Jornalista : Osória Marques

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here