iklan

NASIONÁL, POLÍTIKA

STAE rekolla dadus eleitór 4.032 vota iha sentru votasaun paralelu

STAE rekolla dadus eleitór 4.032 vota iha sentru votasaun paralelu

Diretór Jerál STAE, Acilino Manuel Branco. Imajen TATOLI/Egas Cristóvão

DILI, 08 marsu 2022 (TATOLI)–Diretór Jerál Sekretariadu Tékniku Administrasaun Eleitorál (STAE), Acilino Manuel Branco, informa STAE rekolla ona eleitór hamutuk 4.032 ne’eb’e atu iha sentru votasaun paralelu ne’ebé estabelese iha munisípiu Dili.

Notísia Relevante: STAE rejista eleitór provizóriu 1.600 vota iha sentru votasaun paralelu

“Tuir dadus ne’ebé ita rekolla totál eleitór hamutuk 4.032 ne’ebé mak rejistu iha sentru votasaun paralelu nian,” Acilino Manuel Branco hateten ba Agência TATOLI, hafoin partisipa enkontru ekstraordináriu ba realizasaun eleisaun prezidensiál 2022 iha Austrália, iha salaun Laline Larigutu CNE, Dili, tersa ne’e.

 Hosi totál eleitór 4.032 ne’e, nia dehan, iha sentru votasaun paralelu rua mak STAE tau lista eleitór liu rihun 1.000 no sentru votasaun ida seluk eleitór purvolta 600 de’it.

“Ita-nia eleitór barak liu maihosi Rejiaun Administrativa Espesiál Oé-Cusse Ambeno hamutuk 800 resin,” nia informa.

Sentru votasaun paralelu rejista eleitór sira hahú iha loron 18 fevereiru to’o 3 marsu 2022.

Tuir atualizasun baze dadus iha teritóriu nasionál ne’e eleitór hamutuk 864.754 ne’ebé kompostu hosi munisípiu Aileu 33.859, Ainaro 45.949, Baucau 96.875, Bobonaro 71.371, Covalima 47.965, Dili 191.423, Ermera 83.213, Lautém 48.665, Liquiça 51.160, Manatuto 35.926, Manufahi 41.012, RAEOA 51.653 no munisípiu Viqueque 58.564.

Dadus timor-oan ka eleitór sira iha diáspora kompostu hosi eleitór sira iha Korea do Súl hamutuk 1.277, Irlandia 1.264, Portugal 857 no Reinu Unidu 2.234 no Austrália hamutuk 1.487.

Jornalista : Osória Marques

Editór      : Cancio Ximenes

iklan
iklan

Leave a Reply

iklan
error: Content is protected !!