DILI, 07 marsu 2022 (TATOLI)— Ministériu Saúde relata, kazu detetadu foun na’in-tolu, rekuperadu 50 no kazu ativu 143.
“Ohin kazu detetadu pozitivu foun tolu, rekuperadu 50 no kazu ativu 143,” refere nota ne’ebé Agência TATOLI asesu,segunda ne’e.
Nune’e, hahú 21 marsu 2020 to’o 07 marsu 2022 iha kumulativu kazu konfirmadu 22.762 no óbitu 129.
Hosi horisehik mai ohin, Laboratóriu Nasionál Saúde halo teste PCR 63, kompostu vijilánsia sentinela laiha, rastreiu ba kontaku 11, rastreiu aleatóriu 35,viájen internasionál 15, follow up iha kuarentena rua.
Alende ne’e, totál teste PCR ne’ebé halo iha 06 fevereiru 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 112 hanesan Maubisse 23, Maliana haat, Viqueque laiha , Suai neen, Baucau la iha, Ermera laiha, RAEOA laiha, HNGV 79, Lautém laiha, Vera Cruz laiha no Manufahi laiha.
Populasaun elijível tinan 18 ba leten, ne’eb é simu ona vasina to’o iha loron 07 marsu 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (88,4%) no kumulativu 2ª doze iha Dili (83,1%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,8% no simu ona doze daruak 72,0%.
Hosi insidénsia COVID-19 iha Timor-Leste, durante loron hitu ikus maka 0,7/100 mil abitante,
Iha loron 07 marsu 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu rua, baixa ho COVID-19 hamutuk rua.
Notísia Relevante:COVID-19: detetadu foun lima no rekuperadu 59
Jornalista: Felicidade Ximenes
Editór : Florencio Miranda Ximenes
