Dadus evolusaun surtu COVID-19 iha Timor-Leste, hosi loron 22 marsu 2020 to’o 04 marsu 2022. Imajen/MS

DILI, 04 marsu 2022 (TATOLI)-Ministériu Saúde (MS) atualiza dadus evolusaun COVID-19 iha sesta ne’e, ne’ebé rejista detetadu foun lima, rekuperadu 59 no ativu 262.

“Nune’e, hahú hosi loron 22 marsu 2020 to’o 04 marsu 2022 iha kumulativu kazu konfirmadu 22.741 no óbitu 129,” koordenadora Jerál Surtu COVID-19 hosi Ministériu Saúde, Odete da Silva Viegas, relata liuhosi nota ne’ebé Agência TATOLI asesu.

Hahú horiseik mai ohin, Laboratoriu Nasionál Saúde halo teste Polymerase Chain Reaction  (PCR) hamutuk 112, kompostu hosi vijilánsia sentinela haat, rastreiu ba kontaktu rua, rastreiu aleatóriu 81, viajen internasionál 23, follow up iha kuarentena rua.

Notísia relevante: COVID-19: detetadu foun haat no rekuperadu 59

Aleinde ne’e, totál PCR ne’ebé horiseik halo iha munisípiu sira inklui Rejiaun Administrativa Espesiál Oé-cusse Ambeno (RAEOA) no Hospital Nasional Guido Valadares (HNGV) hamutuk 100, kompostu hosi Baucau laiha, Ermera laiha, Bobonaro sia, Viqueque laiha, Maubisse lima, RAEOA laiha, Covalima neen, Lautem laiha, Manufahi laiha, HNGV 80 no Vera Cruz laiha.

Iha sorin seluk, populasaun elijível tinan 18 la leten ne’ebé simu ona vasina to’o ohin loron, tuir sistema informasaun saúde, hanesan kumulativu doze dahuluk iha Dili 88,4% no doze daruak 83,%.

Enkuantu, sidadaun iha territóriu nasionál ne’ebé simu ona vasina doze dahuluk 84,8% no doze daruak 71,9%.

Hosi insidénsia COVID-19 iha Timor-Leste durante loron hitu ikus mak 1,1/100 mill abitante.

Iha loron 19 fevereiru 2022, izolamentu Vera Cruz, Lahane, HNGV, no fatin sira seluk iha territóriu laran tomak, halo tratamentu ospitalizadu ba kazu detetadu pozitivu rua, baixa ho COVID-19 rua, no baixa tanba COVID-19 laiha.

Jornalista : Arminda Fonseca

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here