Heineken halo konferénsia imprensa hodi introdús lata serveja ABC foun ho koor metan no osan-mean, iha salaun Timor Plaza, CBD 5, sesta (04/03). Imajen TATOLI/Francisco Sony

DILI, 04 marsu tinan 2022 (TATOLI)-Heineken Timor-Leste, sesta ne’e, introdús embalajen foun ABC Extra Stout, ho vizuál ne’ebé modernu no hahú fa’an ohin. 

Jerente Heineken, Tiago Graça. Imajen TATOLI/Francisco Sony

Jerente Heineken, Tiago Graça, hateten, inisiativa introdús lata foun ne’e tanba produtu ne’e sai populár ona iha merkadu Timór no konsumidór timor-oan sira gosta.

“Hodi iha relevánsia, ami kontinua rona konsumidór sira no hosi ne’e ami aprende katak tempu to’o ona atu ami introdús embalajen foun ho kor metan no osan-mean ne’ebé mak moderna no premium, maibé mantein kualidade di’ak,” Tiago Graça dehan iha salaun Timor Plaza, CBD 5.

Notísia relevante: SEA-MTKI halo inspesaun ba fábrika Heineken iha Hera

ABC Extra Stout hola parte iha portofólio Heineken Timor-Leste dezde harii empreza ne’e iha tinan 2016. 

Nune’e mós, Diretór Supply Chain Heineken, Pisey hoeung, konsidera papél importante ida hosi empreza mak fornese produtu ho kualidade di’ak ba konsumidór.

Lata foun serveja ABC koor metan hodi substitui koor mean, iha salaun Timor Plaza, CBD 5, sesta (04/03). Imajen TATOLI/Francisco Sony

“ABC introdús dahuluk iha Singapura iha tinan 1931, iha Archipelago Brewery Co, enkuantu ABC Extra Stout maka orijinál Singapura hosi eransa Alemaña, nune’e iha sabór malt no aromátiku ne’ebé diferente no moruk. Tein ho padraun internasionál hosi maluk timor-oan, matéria prima ne’ebé uza ba tein mak uza roasted malt, hops no fermentu ne’ebé ho kualidade, hodi fó ba ita-boot sira, ho gostu auténtiku loloos,” nia dehan.

Nune’e, matéria prima ne’ebé uza importa hosi Béljika no Austrália, ne’ebé halo produsaun ba matéria ne’e rasik.

“Heineken Timor-Leste espera katak demanda ABC Extra Stout sei kontinua buras nafatin tanba sei halo produsaun serveja kualidade ho konsistente, ho sabór esepsionál, premium no modernu. Aleinde ne’e, serveja prodús ho ingrediente kualidade no sustentável hosi produtór ne’ebé hetan fiar no amigável ba ambiente,” nia tenik.

Diretór Ezekutivu Heineken iha Timor-Leste, Prasantha Manjuga. Imajen TATOLI/Francisco Sony

Iha biban hanesan, Diretór Ezekutivu Heineken iha Timor-Leste, Prasantha Manjuga, hateten empreza ne’e prodús no fa’an produtu serveja internasionál lubuk ida, hanesan Heineken, Bintang, Tiger, Sagres, ABC no Liurai.

“Empreza ne’e nu’udar investidór boot liu iha setór manufatura ho padraun internasionál ne’ebé estabelese ona iha Timor-Leste no to’o agora fó ona serbisu ba timor-oan hamutuk 89. Ami iha kompromisu ba inovasaun, investimentu longu prazu, disiplina iha ezekusaun komersializasaun, no foka liu ba jestaun kustu,” nia otimista.

Liuhosi ‘Brewing a Better World’, sustentabilidade tuur metin iha negósiu no fó valór ba parte hotu, Heineken iha pegada jeográfika ne’ebé ekilibru ho pozisaun lideransa iha merkadu dezenvolvidu sira no iha dezenvolvimentu.

“Ami emprega ona empregadu hamutuk 85.000 liu iha mundu no funsiona fábrika hodi prodús serveja, malteries, cider sentrál no fasilidade produsaun iha nasaun 70 resin,” nia akresenta.

Heineken Timor-Leste S.A nu’udar subsidiáriu ida hosi Heineken iha Timor-Leste, ne’ebé asina ona akordu espesiál investimentu ho Governu iha janeiru 2015, ho totál investimentu hamutuk millaun $45 no hahú ninia produsaun lokál iha tinan 2017 iha Metinaro.

Jornalista : Arminda Fonseca

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here