Edifísiu Institutu Politékniku Betano. Imajen/Espesiál

DILI, 02 marsu 2022 (TATOLI)–Prezidente Institutu Politékniku Betano (IPB), Acácio Cardoso Amaral, hateten, tinan ne’e sira hetan estudante 345 admitidu, tanba ne’e karik estudante sira ne’e rejista hotu, instituisaun ensinu superiór ne’e sei laiha espasu sufisiente atu akumula.

“Ami iha ona esperiénsia durante tinan-lima, maski estudante barak mak naran sai atu tama iha IPB, maibé kuandu iha tempu inskrisaun, metade de’it mak mai rejistu,” Prezidente IPB hateten ba Agência TATOLI, via telefónika, kuarta ne’e.

Notísia relevante: Kandidatu 6.352 admitidu ba UNTL no IPB tinan akadémiku 2022

Responsável másimu institutu esplika, tinan lima ona proposta IPB ne’ebé hato’o ba Ministériu Ensinu Superiór Siénsia no Kultura (MESSK) sempre husu estudante 300.

“Maibé rezultadu ne’ebé Prezidente Komisaun Asesu Engeresu Ensinu Superiór (KAEES) fó sai ho númeru boot. Ami espera maski ho númeru estudante boot, maibé metade de’it mak iha interese tama IPB,” nia akresenta.

Enkuantu, hosi rezultadu kandidatu ne’ebé naran sai iha IPB ba tinan akadémiku 2022 ne’e, kompostu hosi rejime haat mak hanesan rejime jerál iha estudante na’in 242, rejime espesiál ka sub rejime oportunidade iha estudante na’in-29, rejime espesiál ka sub rejime veteranu ou veteranu sira no martir sira nia oan hamutuk na’in-13.

Nune’e mós, ba rejime espesiál ka sub rejime hakbiit hamutuk estudante na’in-40 no rejime espesiál ka sub rejime sira seluk iha estudante na’in-21.

Jornalista : Tomé Amado     

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here