Traballadór timor-oan preparadu iha Aeroportu Internasionál Prezidente Nicolau Lobato, Comoro, segunda (28/02). Imajen/SEFOPE

DILI, 01 marsu 2022 (TATOLI)—Sekretaria Estadu Formasaun Profisionál no Empregu (SEFOPE) liuhosi Diresaun Nasionál Empregu Exteriór (DNEE), segunda (28/02) haruka tan traballadór timor-oan 94 ba serbisu iha Koreia Súl.

Joven sai hosi Timor-Leste ho aviaun Air Asia, no halo tránzitu iha Malázia no Singapura, tersa ne’e iha destinasaun, ne’ebé iha na’in-45 serbisu iha área peska no na’in-49 iha área fábrika.

“Traballadór ne’ebé preparadu atu arranka hamutuk 96, maibé na’in-rua la konsege tanba detetadu pozitivu KOVID-19, entaun iha de’it na’in-94 maka arranka bá Koreia Súl,” Diretór Nasionál Empregu Exteriór, Filomeno Soares, hateten, liuhosi nota ne’ebé Agência TATOLI asesu, tersa ne’e.

Notísia relevante: Traballadór timor-oan 39 arranka bá Koreia Súl

Tanba ne’e, nia husu ba traballadór na’in-rua ne’ebé lá konsege arranka ba serbisu iha Korea Súl atu labele hanoin barak, maibé nafatin kuidadu saúde, nune’e rekupera lalais no hein oportunidade tuir mai.

“Ha’u husu mós ba traballadór sira ne’ebé ba serbisu iha Koreia Súl, atu hatudu komportamentu di’ak, atu nune’e empregadór bele emprega tan joven timor-oan sira ne’ebé daudaun hein hela oportunidade,” nia dehan.

Jornalista : Arminda Fonseca

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here