Diretór Nasionál Empregu Exteriór SEFOPE, Filomeno Soares. Imajen TATOLI/Egas Cristóvão

DILI, 25 janeiru 2022 (TATOLI)--Sekretaria Estadu Formasaun Profisionál no Empregu (SEFOPE) liuhosi Diresaun Nasionál Empregu Exteriór (DNEE), tersa ne’e, haruka tan traballadór timor-oan na’in-38 bá serbisu iha Koreia Súl, maibé ida la konsege halo viajen tanba pozitivu COVID-19.

“Ita-nia traballadór ne’ebé prepara atu arranka bá Korea Súl ohin na’in-39, maibé na’in ida labele arranka tanba teste PCR hatudu pozitivu COVID-19,” Diretór Nasionál Empregu Exteriór, Filomeno Soares, hateten liuhosi nota ne’ebé Agência TATOLI asesu.

Notísia relevante: SEFOPE despede tan traballadór 71 ba Koreia Súl

Tanba ne’e, nia husu ba traballadór ne’ebé pozitivu COVID-19 labele lakon vontade no halo tratamentu ba moras, nune’e bainhira di’ak bele arranka iha oportunidade tuir mai.

“Ha’u apela ba traballadór na’in-38 ne’ebé ohin arranka bá serbisu, labele halai ses hosi sistema no hatudu komportamentu serbisu di’ak, nune’e empregadór sira bele foti tan joven timor-oan sira ne’ebé hein hela oportunidade serbisu,” nia tenik.

Nune’e, timor-oan ne’ebé maioria serbisu iha área peska ne’e, sai hosi Timor-Leste iha oras 13:30 meiu dia ho aviaun, ne’ebé sei tránzitu iha Malázia no Singapura no iha loron 26 janeiru 2022 maka tun iha Aeroportu Incheon Korea Súl.

Jornalista : Arminda Fonseca

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here