Diretór Jerál STAE, Acilino Manuel Branco. Imajen TATOLI/António ‘Dasiparu’ Gonçalves.

DILI, 01 marsu 2022 (TATOLI)—Diretór Jerál Sekretariadu Tékniku Adminitrasaun Eleitorál (STAE), Acilino Manuel Branco, hateten sentru votasaun paralelu tolu iha munisípiu Dili ne’e sei funsiona hotu tanba eleitór ne’ebé rejistu iha kada sentru votasaun liu ona ema 100.

Notísia Relevante: Eleitór ba sentru votasaun paralelu sei rejistu iha 18 fevereiru-03 marsu

“Iha tempu badak ita sei anúnsia ba públiku katak sentru votasaun paralelu tolu ne’e sei funsiona tanba ema liu ona 100 no tuir ona lei ne’ebé dehan sentru ida eziste ema no mínimu 100, tanba oras ne’e daudaun ita iha ona 1.500,” Acilino Manuel Branco ba Agência TATOLI, iha nia knaar fatin Vera Cruz, Dili, tersa ne’e.

Nia informa, iha postu adminiatrativu Don Aleixo kuaze liu ema 500, postu seluk ne’e ema liu 100 ho tan universitáriu no estudante sira mós barak mak ba rejistu iha postu adminiatrativu sira inklui postu adminiatrativu Metinaro hamutuk 80.

Komisaun Funsaun Públika, nia informa, lori hahú simu funsionáriu sira hosi kada instituisaun Estadu ne’ebé mai hosi munisípiu ne’ebé servisu iha Dili, sira hahú hala’o rejistu hodi bele vota iha sentru votasaun paralelu ne’ebé estabelese iha Dili.

Tanba, eleitór barak mak rejistu ona entaun tékniku sira hahú halo preparasaun ba emprime lista votasaun paralelu nian depois kruza iha baze dadus.

Maske iha tersa (02 marsu) ne’e feriadu, maibé sira-nia parte téknika kontinua atende eleitór sira nune’e bele aumenta tan ema iha sentru votasaun paralelu hirak ne’e.

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here