Kandidatu Prezidente Repúblika períodu 2022-2027. Imajen/Espesiál.

DILI, 01 marsu 2022 (TATOLI)—Vise Prezidente Komisaun Nasionál Eleisaun (CNE-sigla portugés), Domingos Barreto, hateten debate ba kandidatu Prezidente Repúblika sei realiza iha 15 marsu 2022 iha Hotel Turizmu, Lecidere, tuku 17h00-11h00 kalan.

Notísia Relevante: Debate kandidatu PR 2022-2027 sei uza lian tetún-portugués

“Oráriu ba dabate ita-nia kandidatu Prezidente Repúblika sira sei realiza iha 15 marsu. Iha debate ne’e, sei husu perguntas ho dalen tetun no portugés ba kandidatu PR sira hodi hatán ho dalen rua ne’e,” Vise Prezidente CNE ne’e hateten ba Agência TATOLI, via telefónika, tersa ne’e.

Kandidatura Prezidente Repúblika na’in-16 ne’ebé admitidu mak hanesan kandidatu hosi partidu CNRT José Manuel Ramos Horta, partidu KHUNTO Armanda Berta dos Santos, partidu FRETILIN Francisco Guterres Lú Olo, hosi PD Mariano ‘Aasanami’ Sabino Lopes, Partidu Demokrátiku da Repúblika de Timor (PDRT) Anacleto Bento Ferreira.

Kandidatu independente sira kompostu hosi Felizberto Araújo Duarte, Maria Helena Lopes de Jesus ‘Milena’ Pires, Maria Ángela Freitas da Silva, Isabel da Costa Ferreira, Hermes da Rosa Correia Barros, Tito da Costa Cristovão ‘Lere Anan Timur’, Rogério Tiago de Fátima Lobato, Virgílio da Silva Guterres ‘Lamukan’, Constâncio da Conceição Pinto “Terus”, Antero Benedito da Silva no Martinho Germano da Silva Gusmão.

Votasaun no apuramentu rezultadu Loron eleisaun iha 19 marsu 2022 no hafoin prosesu votasaun termina inisíu kontajen votu iha sentru votasaun no envia urna ba apuramentu munisipál.

Apuramentu munisipál ba rezultadu no envia akta eleitorál no elementu (votu nulu, protestadu no reklamasaun ne’ebé existe) ba Komisaun Nasionál Eleisaun (CNE, siglá portugés) iha 19 to’o 21 marsu 2022.

Apuramentu finál rezultadu nasionál Komisaun Nasionál Eleisaun (CNE, siglá portugés) iha 22-24 abríl 2022. Interpozisaun rekursu ba rezultadu nasionál provizóriu ba Tribunál Rekursu (TR) iha 28 abríl no Tribunál Rekursu (TR) deside rekursu iha 29 abríl 2022.

Maibé, iha loron 29 abríl CNE remete (haruka) akta rezultadu ba Tribunál Rekursu bainhira laiha rekursu.

Notísia Relevante: CNE laiha intensaun teste kandidatu PR ho lian portugés

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here