Pesoál médiku sira kontinua halo atendementu vasina Pfizer Covid-19 ba estudante sira iha sentru saúde Comoro. Imajen TATOLI/Antonio Dasiparu

DILI, 28 fevereiru 2022  (TATOLI)— Ministériu Saúde relata, kazu  detetadu pozitivu foun 25, rekuperadu 132 no kazu ativu 425.

“Ohin,  kazu detetadu foun 25, rekuperadu 132 no kazu ativu 425,” refere nota ne’ebé Agência TATOLI asesu  segunda ne’e.

Nune’e, hahú 21 marsu 2020 to’o 28 fevereiru 2022  iha kumulativu kazu konfirmadu 22.693 no óbitu 128.

Hosi horisehik mai ohin, Laboratóriu Nasionál Saúde halo teste PCR 461, kompostu vijilánsia sentinela haat, rastreiu ba kontaku neen, rastreiu aleatóriu 88, viájen internasionál 362,  follow up iha kuarentena ida.

Alende ne’e, totál teste PCR ne’ebé halo iha 27 fevereiru 2022  iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 67 hanesan Maubisse laiha,  Maliana ida, Viqueque laiha, Suai hitu,  Baucau ida, Ermera laiha, RAEOA  hitu, HNGV 51,  Lautém laiha, Vera Cruz laiha no Manufahi laiha.

Populasaun elijível tinan 18 ba leten, ne’ebé simu ona vasina to’o iha loron 28 fevereiru  2022, tuir sistema informasaun Saúde iha Ministériu Saúde hanesan kumulativu 1ª doze iha Dili (88,3%) no kumulativu 2ª doze iha Dili (83,0%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,7% no simu ona doze daruak 71,8%.

Hosi insidénsia COVID-19 iha Timor-Leste durante loron hitu ikus maka 3,1/100 mil abitante.

Iha loron  28, fevereiru 2022, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu hitu, baixa ho COVID-19  hamutuk lima. No baixa tanba COVID-19 na’in  ida moderadu no ida grave.

Notísia Relevante: COVID-19: pozitivu 19 no rekuperadu 66

Jornalista: Felicidade Ximenes

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here