Dadus evolusaun surtu COVID-19 iha Timor-Leste, hosi loron 22 marsu 2020 to’o 27 fevereiru 2022. Imajen/MS

DILI, 27 fevereiru 2022 (TATOLI)—Ministériu Saúde (MS) domigu ne’e, relata kazu detetadu COVID-19 foun 19, rekuperadu 66, nune’e atuál kazu ativu 532.

“Nune’e, hahú hosi loron 21 marsu 2020 to’o 27 fevereiru 2022 iha kumulativu kazu konfirmadu 22.668 no óbitu 128,” refere nota ne’ebé Agência TATOLI asesu.

Hosi horisehik mai ohin, Laboratóriu Nasionál Saúde halo teste Polymerase Chain Reaction (PCR) 97, kompostu hosi vijilánsia sentinela laiha, rastreiu ba kontaktu laiha, rastreiu aleatóriu 18, viajen internasionál 79,  no follow up iha kuarentena laiha.

Notísia relevante: COVID-19:kazu óbitu ida no pozitivu foun 13

Alende ne’e, totál teste PCR ne’ebé halo iha loron 26 fevereiru 2022 iha munisípiu seluk, Rejiaun Administrava Espesiál Oé-cusse no Ambeno (RAEOA) no Hospital Nacional Guido Valadares (HNGV) 88, Maubisse laiha,  Maliana 13, Viqueque laiha, Suai hitu,  Baucau laiha, Ermera laiha, RAEOA  laiha, HNGV 68,  Lautém laiha, Vera Cruz laiha no Manufahi laiha.

Aleinde ne’e, populasaun elijível tinan 18 ba leten ne’ebé simu ona vasina to’o iha loron 27 fevereiru  2022 , tuir sistema informasaun Saúde iha MS, kumulativu doze dahuluk iha Dili 88,3% no doze daruak iha 83%.

Enkuantu, populasaun iha territóriu nasionál ne’ebé simu ona vasina doze dahuluk 84,7% no doze daruak 71,8%.

Insidénsia COVID-19 iha Timor-Leste durante loron hitu ikus maka 3,4/100 mil abitante.

Nune’e mós, iha loron 27 fevereiru 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu ospitalizadu ba kazu detetadu pozitivu hitu, baixa ho COVID-19 hamutuk lima, no baixa tanba COVID-19 na’in-rua ho sintoma grave.

Jornalista : Felicidade Ximenes

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here