Mediku sira prepara vasina doze datoluk Pfizer Booster. Iha rezidensia Ramos Horta, loron (04/01). Imajen Tatoli/Francisco Sony

DILI, 26 fevereiru 2022 (TATOLI)—Governu liuhosi Ministériu Saúde (MS), sabádu ne’e, relata kazu óbitu ida, detetadu pozitivu foun 13, rekuperadu 127 no ativu 579.

“Total óbitu ne’ebé relata ohin, 26  fevereiru 2022 na’in ida ho pasiente mane idade 38 (38 A) transfere hosi ospitál Aileu ba HNGV iha loron 20 fevereiru 2022 hala’o teste PCR no konfirmadu pozitivubCOVID-19 ho CT 28,3. No transfere ba iha izolamentu Lahane iha loron 26 fevereiru 2022. Nune’e, matebian hakotu iis iha tuku 04:23, matrugada. matebian mate ho Diagnostico finál : Bronkoaspirasaun, Chriptoccocos Meningitis, COVID-19. Matebian kompleta vasina ho tipu AstraZeneca,” refere nota ne’ebé Agencia TATOLI asesu, sabádu ne’e.

Nune’e, hahú 21 marsu 2020 to’o 25 fevereiru 2022 iha kumulativu kazu konfirmadu 22642 no óbitu 128.

Hosi horiseik mai ohin, Laboratóriu Nasionál Saúde halo teste PCR 156 testes PCR iha Dili, kompostu hosi vijilánsia sentinela 26, rastreiu ba kontaktu ka Contact tracing hitu (7), rastreiu aleatóriu ka Random Screening 111, viájen internasionál 10 no follow up iha kuarentena na’in-rua.

Alende ne’e, totál teste PCR ne’ebé halo iha 25 fevereiru iha munisípiu-sira seluk, Rejiaun Administrativu Espesiál Oe-Cusse no Ambeno (RAEOA) no Hospitál Nasionál Guido Valadares (HNGV), hamutuk 151, hanesan Baucau neen (6), Ermera laiha, Bobonaro hitu (7), Maubisse 12, RAEOA 14, Covalima 25, Viqueque laiha, Lautem laiha, Manufahi laiha, HNGV 87 no Vera Cruz laiha.

Nune’e, vasina ne’ebé fo’o ona ba populasaun elijível tinan 18 ba leten, to’o ohin dader 10H00, loron 26 fevereiru 2022, tuir sistema informasaun Sáude iha Ministériu Saúde, hanesan kumulativu 1a doze iha Dili (88,3%) no kumulativu 2a doze iha Dili (83,0%).

Enkuantu, ba sidadaun iha territóriu nasionál ne’ebé simu ona vasina doze dahuluk iha Timor-Leste 84,7% no simu ona doze daruak 71,8%.

Hosi insidénsia Covid-19 iha Timor-Leste, durante loron hitu (7) ikus maka 3,6/100 mil abitante.

Iha loron 26 fevereiru 2022, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu sia (9), baixa ho Covid-19 hamutuk neen (6) no baixa tanba Covid-19 hamutuk tolu (3) ho sintomas grave.

Notísa relevante: COVID-19: kazu óbitu ida no pozitivu foun 52

Jornalista : Nelia Fernandes

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here