Mediku sira prepara hela Vasina AstraZeneca Covid -19 hodi oferese ba komunidade sira, kuarta 18/11/2021 Imajen Tatoli/Antonio Dasiparu

DILI, 19 fevereiru 2022 (TATOLI)- Ministériu Saúde relata, kazu detetadu pozitivu foun na’in-53, rekuperadu 182 no kazu ativu 1.388.

“Kazu detetadu foun ohin 53, rekuperadu 181 no ativu 1.388,” Adjunta Koordenadora Forsa-Tarefa ba Prevensaun no Mitigasaun COVID-19, Odete Silva Viegas, hateten liuhosi nota ne’ebé Agência TATOLI asesu, domingo ne’e.

Nune’e, hahú hosi 22 marsu 2020 to’o 19 fevereiru 2022 iha kumulativu kazu konfirmadu 22.314 no óbitu 125.

Hosi horiseik mai ohin, Laboratóriu Nasionál Saúde halo teste PCR hamutuk 384, kompostu vijilánsia sentinela rua (2), rastreiu ba kontaktu 94, rastreiu aleatóriu 279, viajen internasionál lima, follow up iha kuarentena sia.

Alende ne’e, total PCR ne’ebé halo iha loron 18 fulan fevereiru 2022 iha munisípiu sira seluk, Rejiaun Administrativa Espesiál Oé-Cusse Ambeno (RAEOA) no Hospitál Nasionál Guido Valadares (HNGV) hamutuk 161 hanesan Baucau 14, Ermera laiha, Bobonaro 24,Viqueque laiha, Maubisse laiha, RAEOA 16, Covalima 13, Lautem ida, HNGV 95 no Vera Cruz laiha.

Populasaun elijivél tinan 18 la leten ne’ebé simu ona vasina to’o iha loron 19 fevereiru 2022, tuir sistema informasaun Saúde, hanesan kumulativu 1ª iha Dili (88,2%) no kumulativu 2ª (82,7%).

Enkuantu sidadaun iha territóriu nasionál ne’ebé simu ona vasina doze dahuluk iha Leste 84,5% no simu ona doze daruak 71,6%.

Hosi insidénsia COVID-19 iha Timor-Leste durantre loron ikus mak 8,2/100 mill abitante.

Iha loron 19 fevereiru 2022, izolamentu Vera Cruz, Lahane, HNGV, no fatin sira seluk iha territóriu laran tomak, halo tratamentu Hospitalizadu ba kazu detetadu pozitivu 18, baixa ho COVID-19 hamutuk 16. No baixa COVID-19 ninian rua ho sintoma leves.

Notísia relevante: COVID-19: kazu pozitivu 170, rekuperadu 80 no ativu 1.647

Jornalista : Arminda Fonseca

Editór       :   Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here