Médiku hala'o vasina ba sidadaun ida hodi kombate moras Covid-19. Iha Sentru Saúde Formoza Dili, kuarta (09/02). Imajen Tatoli/Francisco Sony

DILI, 16  fevereiru 2022  (TATOLI)— Ministériu Saúde  relata, kazu detetadu pozitivu foun na’in-170, rekuperadu  80 no kazu ativu 1.647.

“Kazu detetadu foun ohin 170, rekuperadu  80 no ativu 1.647,” Diretora Jerál Prestasaun Saúde iha Ministériu Saúde, Odete da Silva Viegas, hateten liuhosi nota ne’ebé Agência TATOLI asesu,  kuarta  ne’e.

Nune’e, hahú 21 marsu 2020 to’o 16 fevereiru 2022  iha kumulativu kazu konfirmadu 22.047 no óbitu 124.

Hosi horisehik mai ohin, Laboratóriu Nasionál Saúde halo teste PCR 461, kompostu vijilánsia sentinela sia, rastreiu ba kontaku 49, rastreiu aleatóriu 188, viájen internasionál 215, follow up iha kuarentena ida.

Alende ne’e, totál teste PCR ne’ebé halo iha 15  fevereiru 2022  iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 210 hanesan Maubisse 18 , Maliana 13, Viqueque laiha, Suai 19, Baucau 16, Ermera neen, RAEOA 12,HNGV 125, Lautém ida, Vera-Cruz laiha.

Populasaun elijível tinan 18 ba leten, ne’ebé simu ona vasina to’o iha loron 16 fevereiru  2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (88,2%) no kumulativu 2ª doze iha Dili (82,6%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,4% no simu ona doze daruak 71,3 %.

Hosi insidénsia COVID-19 iha Timor-Leste, durante loron hitu ikus maka 12,0/100 mil abitante.

Iha loron  16 fevereiru 2022, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu 16, baixa ho COVID-19  hamutuk 13.Baixa tanba COVID-19  tolu tanba  sintoma grave.

Notísia Relevante:COVID-19: kazu pozitivu 129 no ativu 1.557

Jornalista: Felicidade Ximenes

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here