Porta Voz Ekipa Susesu Kandidatu Prezidente Repúblika Luis Tilman, Francisco da Silva Barreto. Imajen Tatoli/Francisco Sony

DILI, 15 fevereiru 2022 (TATOLI)— Kandidatu Independente ba Prezidente Repúblika 2022-2027, Luis Alves Tilman hatama rekursu ba Tribunál Rekursu hodi kompleta dokumentu, nune’e kada munisípiu nia apoiante 100-resin.

Portavóz Ekipa susesu, Francisco da Silva Barreto, informa nia fila mai Tribunál Rekursu atu kompleta dokumentu hosi nia kandidatura Luis Tilman ne’ebe la konsege pasa iha prosesu rejistu iha Tribunál.

“Ami konklui ona ami nia dokumentu liuliu liga ba lista apoiante munisípiu tolu, hanesan Viqueque, Covalima no Liquiça ne’ebe la to’o. Ami ohin kompleta kada apoiante hosi munisípiu tolu ne’e 100-resin,” Portavós ekipa susesu, hateten ba jornalista sira hafoin submete hikas dokumentu kandidatura Luis Alves Tilman ba Tribunál Rekursu iha Caicoli, tersa ne’e.

Nia dehan, Tribunál Rekursu simu rekursu atu kompleta dokumemtu kandidatura Prezidente Repúblika,Luis Tilman nian.

“Sim, Tribunál ohin simu ona ami nian dokumentu, no ami rejista fila-fali ami nia kandidatu Luis Tilman hanesan kandidatura, parte Tribunál  seidauk fó ka ko’alia buat ruma mai ami, desizaun hotu husi na’in Prezidente Tribunal Rekursu nian liman nia maka deside,” Portavoz ne’e akresenta.

 Iha fatin hanesan Prezidente Tribunál Rekursu, Deolindo dos Santos hateten, Tribunál iha Prazu loron rua atu haree no halo desizaun ba kandidatura nian dokumentu.

“Ita fó ba kandidatu ne’ebé maka la prenxe rekezitu atu rekorre nia rekursu Tribunál iha loron ida nia laran atu kompleta nia dokumentu no iha prazu loron rua atu Tribunal Rekursu liu hosi Juíz koletivu haree hodi fó desizaun ba ida ne’e,” dehan Lider Mazimu Orgaun Judisiariu ne’e.

Notísia relevante: Seidauk prenxe rekezitu, Tribunál Rekursu la simu kandidatu Luis Tilman

Jornalista : Natalino Costa

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here