Ilustrasaun Karate-do. Imajen/Espesiál

DILI, 15 fevereiru 2022 (TATOLI)- Sekretáriu Jerál Federasaun Karate-do Timor-Leste (FKTL), António Carlos de Araújo, hateten hahú prepera  atleta na’in-lima atu ba partisipa Sea Games iha loron 12 to’o 24 Maiu iha Vietname.

“Agora treinamentu tama ona ba tékniku ona, fulan hira ba kotuk ita tama iha fiziku no semana oin ita tama ba iha estratéjiku oinsa kompete ho ema, ne’ebé agora sira preparadu,” Sekretáriu Jerál Antonio hateten ba Agência TATOLI iha Jináziu Dili, tersa ne’e.

Atleta na’in lima ne’e kompostu hosi mane haat no feto ida, mak hanesan Fidelis Soares Araújo sei joga iha 75 kg, Dionisio Soares sei joga iha 67 kg, Andreas Kefi joga iha 60 kg, Bernardino joga iha jurus nian no Celia Cardoso joga iha 68 kg.

Nia dehan, iha preparasaun ne’e Governu liuhosi Sekretariu Estadu Juventude no Desportu (SEJD) haraik orasamentu ho montante 6.000-resin.

“Osan ne’ebé ami simu hosi Govenu ne’e hamutuk rihun 6-resin hodi prepara atleta sira nia kondisaun durante treinamentu iha fulan tolu hahú fevereiru to’o abril,  osan ne’e ba sira nia hahán, hemu no buat seluk tan,” nia dehan.

Atleta hirak ne’e halao treinamentu iha fatin Karate-do nian iha Delta I-Dili.

Tuir oráriu Timor -Leste sei dezloka ba Vietname hodi partisipa jogu Sea Games ne’e iha maiu mai ne’e tanba atividade sei hahú 12-24 maiu.

Nune’e, Timor-Leste sei partsipa hosi modalidade ualu mak hanesan, Atletizmu, Natasaun, Futeból, Taekwondo, Boxe, Fakutil (hit besi), Karate-do no Voleból Praia.

Notísia relevante: Boxista na’in-lima hahú treina fíziku no tékniku partisipa Sea Games

Jornalista: Hortencio Sanchez

Editór     : Florencio Miranda Ximenes

PUBLISIDADE HUSI MTCIiklan

1 KOMENTÁRIU

  1. Karatê Susar atu komoete iha Sea Games, Tamba atleta sira nebe atu bá komoete nee nunka Liu husi buat ida selesaun nee, Pior Liu tan Lori atleta ida Tauk ten atu kumite..

HAKEREK NO HATÁN

Please enter your comment!
Please enter your name here