Médiku hala'o vasina ba joven ida hodi kombate moras Covid-19. Iha Sentru Saúde Formoza Dili, kuarta (09/02). Imajen Tatoli/Francisco Sony

DILI, 14  fevereiru 2022  (TATOLI)—Ministériu Saúde relata, kazu detetadu pozitivu foun, ohin na’in-117,rekuperadu  48 no kazu ativu 1.514.

“Kazu detetadu foun ohin 117,  rekuperadu  48 no  ativu 1.514,” Diretora Jerál Prestasaun Saúde iha Ministériu Saúde,  Odete da Silva Viegas, hateten liuhosi nota ne’ebé Agência TATOLI asesu  sesta  ne’e.

Nune’e, hahú 21 marsu 2020 to’o 14  fevereiru 2022  iha kumulativu kazu konfirmadu 21.748 no óbitu 124.

Hosi horisehik mai ohin, Laboratóriu Nasionál Saúde halo teste PCR 189,  kompostu vijilánsia sentinela hitu, rastreiu ba kontaku 61, rastreiu aleatóriu 117, viájen internasionál rua,  follow up iha kuarentena rua.

Alende ne’e, totál teste PCR ne’ebé halo iha 13  fevereiru 2022  iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 98 hanesan Maubisse laiha, Maliana 12, Viqueque laiha, Suai 11 , Baucau haat,Ermera ida, RAEOA 12, HNGV 58, Lautém laiha, Vera Cruz laiha.

Populasaun elijível tinan 18 ba leten, ne’ebé simu ona vasina to’o iha loron 14 fevereiru  2022, tuir sistema informasaun Saúde iha Ministériu Saúde, hanesan kumulativu 1ª doze iha Dili atinje 88,1% no kumulativu 2ª doze iha Dili 82,6%.

Enkuantu, Sidadaun iha territóriu nasionál ne’ebé simu ona vasina doze dahuluk atinje 84,4% no simu ona doze daruak 71,2%.

Hosi insidénsia COVID-19 iha Timor-Leste, durante loron hitu ikus maka 13,5/100 mil abitante.

Iha loron  14 fevereiru 2022, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu 20, baixa ho COVID-19  hamutuk 19. Baixa tanba COVID-19  ida tanba  sintoma grave.

Notísia Relevante:COVID-19: kazu detetadu pozitivu 75 no óbito na’in-ida 

Jornalista: Felicidade Ximenes

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here