Médiku hala'o vasina ba joven ida hodi kombate moras Covid-19. Iha Sentru Saúde Formoza Dili, kuarta (09/02). Imajen Tatoli/Francisco Sony

DILI, 13 fevereiru 2022 (TATOLI)— Ministériu Saúde relata, óbitu ida, kazu detetadu foun ohin 75, rekuperadu 45 no kazu ativu 1.445.

“Total óbitu ne’ebé relata ohin, 13 fevereiru na’in-ida. Pasiente mane ho idade 78, Residente iha Dili, tama izolamentu Lahane iha 08/02/22 ho DX: COVID-19 (CT, 20,6) +TEP. Hakotu is ohin loron dader tuku 11:25, matebian la simu vasina,” relata nota imprensa ne’ebe Agência TATOLI, asesu domingo ne’e.

Nune’e, hahú 21 marsu 2020 to’o 13 fevereiru 2022 iha kumulativu kazu konfirmadu 21.631 no óbitu 124.

Hosi horisehik mai ohin, Laboratóriu Nasionál Saúde halo teste PCR 266 kompostu vijilánsia sentinela 1, rastreiu ba kontaku 77, rastreiu aleatóriu 105, viájen internasionál 78, follow up iha kuarentena lima.

Alende ne’e, totál teste PCR ne’ebé halo iha 12 fevereiru 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 103 hanesan Baucau lima , Ermera laiha, Bobonaro sia, Maubisse laiha, RAEOA laiha, Covalima haat Viqueque laiha, Lautem laiha, HNGV 85, no Vera Cruz laiha.

Populasaun elijível tinan 18 ba leten, ne’ebé simu ona vasina to’o iha loron 13 fevereiru 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (88,1%) no kumulativu 2ª doze iha Dili (82,5%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,3% no simu ona doze daruak 71,2 %.

Hosi insidénsia COVID-19 iha Timor-Leste, durante loron hitu ikus maka 13,3/100 mil abitante.

Iha loron 13 fevereiru 2022, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu 22 , baixa ho COVID-19 hamutuk 22, nain 15 iha izolamentu Lahane, no nain ualu iha Vera Kruz.

Jornalista : Antónia Gusmão

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here