Vasina Pfizer. Imajen TATOLI/António Dasiparu

DILI, 08 fevereiru 2022  (TATOLI)— Ministériu Saúde, relata kazu detetadu pozitivu foun 24,  rekuperadu  22 no kazu ativu sa’e ba na’in-836.

”Kazu detetadu foun, ohin, na’in-247,  rekuperadu  22 no  ativu na’in-836,” Diretora Jerál Prestasaun Saúde iha Ministériu Saúde, Odete da Silva Viegas, hateten liuhosi nota ne’ebé Agência TATOLI asesu  tersa ne’e.

Nune’e, hahú 21 marsu 2020 to’o 08  fevereiru 2022  iha kumulativu kazu konfirmadu 20.748 no óbitu 122.

Hosi horisehik mai ohin, Laboratóriu Nasionál Saúde halo teste PCR 739 kompostu vijilánsia sentinela tolu, rastreiu ba kontaktu 360, rastreiu aleatóriu 299, viájen internasionál 75, follow up iha kuarentena rua.

Alende ne’e, totál teste PCR ne’ebé halo iha 07 fevereiru 2022  iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 149 hanesan Maubisse 15 , Maliana rua Viqueque laiha, Suai 16, Baucau tolu, Ermera laiha, RAEOA laiha, HNGV 113, Lautém laiha no Vera-Cruz laiha.

Populasaun elijível tinan 18 ba leten, ne’ebé simu ona vasina to’o iha loron 08 fevereiru  2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (88,0%) no kumulativu 2ª doze iha Dili (82,4%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,3% no simu ona doze daruak 71,0%.

Hosi insidénsia COVID-19 iha Timor-Leste, durante loron hitu ikus maka 7,0 /100 mil abitante.

Iha loron  08 fevereiru 2022, izolamentu Vera-Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu 17 ka baixa ho COVID-19  na’in-17.

Notísia Relevante:COVID-19: kazu detetadu pozitivu 98 no ativu na’in-611

Jornalista: Felicidade Ximenes

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here