COVID-19: kazu detetadu pozitivu 98 no ativu na’in-611
DILI, 07 fevereiru 2022 (TATOLI)— Ministériu Saúde relata, kazu detetadu foun 98, rekuperadu 19 no kazu ativu na’in-611.
”Kazu detetadu pozitivu foun ohin 98, rekuperadu 19 no ativu 611,” Diretora Jerál Prestasaun Saúde iha Ministériu Saúde, Odete da Silva Viegas, hateten liuhosi nota ne’ebé Agência TATOLI asesu segunda ne’e.
Notísia Relevante: MS kontinua kontrata profisionál saúde 1.081 atende COVID-19
Nune’e, hahú 21 marsu 2020 to’o 07 fevereiru 2022 iha kumulativu kazu konfirmadu 20501 no óbitu 122.
Hosi horisehik mai ohin, Laboratóriu Nasionál Saúde halo teste PCR 123 kompostu vijilánsia sentinela 11, rastreiu ba kontaku 63, rastreiu aleatóriu 35, viájen internasionál 14, follow up iha kuarentena laiha.
Alende ne’e, totál teste PCR ne’ebé halo iha 06 fevereiru 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 171 hanesan Maubisse laiha, Maliana ualu Viqueque laiha, Suai 15, Baucau tolu, Ermera laiha , RAEOA laiha HNGV 145, Lautém laiha no Vera Cruz laiha.
Populasaun elijível tinan 18 ba leten, ne’ebé simu ona vasina to’o iha loron 07 fevereiru 2022 , tuir sistema informasaun Saúde iha Ministériu Saúde, hanesan kumulativu 1ª doze iha Dili (88,0%) no kumulativu 2ª doze iha Dili (82,4%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,2% no simu ona doze daruak 70,9%.
Hosi insidénsia COVID-19 iha Timor-Leste, durante loron hitu ikus maka 6,0 /100 mil abitante,
Iha loron 07 fevereiru 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu 14 , baixa ho COVID-19 hamutuk 13 , baixa tanba COVID-19 ida ho sintomas moderadu.
Notísia Relevante: COVID-19: kazu detetadu pozitivu 75 no ativu 532
Jornalista : Felicidade Ximenes
Editór : Florencio Miranda Ximenes
