Kandidatu Prezidente Repúblika Independente 2022-2027, Luis Tilman. imajen/espesial

DILI, 04 janeiru 2022 (TATOLI)– Kandidatu Prezidente Republika Independente 2022-2027, Luis Tilman, rejista ona iha Tribunál Rekursu ho apoiante 5.588.

“Ekipa susesu rejista ona ha’u nian kandidatura iha Tribunál Rekursu, hafoin kompleta fali dokumentu balun liuliu karta aseitasaun ha’u nia kandidatura. Entaun  ha’u nia ekipa susesu ba hadia kedan no rejistradu ona iha Tribunál Rekursu,” Kandidatu Prezidente Republika Luis Tilman, hateten ba Agência TATOLI via telefonika sesta ohin.

Notísia relevante: Tribunál Rekursu haruka fila dokumentu kandidatu PR Luis Tilman

Luis Tilman hateten,  nia parte hakarak  konkore fila-fali iha Eleisaun Prezidensiál tinan ne’e, tanba  nuudar sidadaun atu hatudu nia nasionalizmu, hatudu protidaun hanesan timor-oan, no razaun seluk mak lei fó dalan.

“Hanesan kandidatu ha’u mós optimista katak sei bele hetan votu barak ou bele manan iha eleisaun ne’e,” nia afirma. 

Nune’e, nia espera, eventu demokrátiku tinan ne’e  sei la’o di’ak no la’o ho estabilidade laran atu povu hotu bele ejerse nia direitu votu.

“Tanba ita nian povu ne’e maduru ona, sira mak sei uza sira nian direitu siviku hodi fihir rasik sira nian kandidatura, tuir sira nian hakarak,” hateten  kandidatura Prezidente Repúblika  Luis Tilman.

Notísia relevante: Kandidatu Lere rejista ofisialmente iha Tribunál Rekursu

Jornalista: Natalino Costa

Editór     : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here