COVID-19 variante foun Omicron. Imajen/Espesiál

DILI,03 fevereiru 2022 (TATOLI)—Xefe Departamentu Vijilánsia Epidemolojia  no Vise Koordenadór  Pilar tolu, Filipe  de Neri Machado, informa, daudaun Timor Leste rejista ona  ema na’in-10  mak  konfirmadu  pozitivu variante Omicron, hafoin rezultadu teste amostra hosi The Peter Doherty Institute Austrália.

“Hosi na’in-10 ne’e, na’in-rua deteta iha loron 29 dezembru 2021, Institutu peter Doherty Austrália deteta liuhosi teste amostr no iha loron 15 janeiru ita haruka tan amostra hamutuk 15 ba Austrália, ne’ebé  ih loron 28 janeiru  rezultadu to’o mai  na’in-ualu konfirmadu pozitivu omicron no na’in-hitu mak negativu,” Vise Koordenadór  Pilar  tolu ne’e, informa liuhosi konferénsia imprensa iha Palásiu Sinzas-Caicoli, kinta ne’e.

Notísia Relevante: Timor Leste rejista kazu konfirmadu variante Omicron na’in-rua

Daudaun, nia dehan ekipa Saúde foti nafatin amostra pozitivu husi COVID-19 sei lori  ba teste iha Austrália , nune’e ekipa saúde sei halo  Contact tracing ba família  sira  ne’ebé pozitivu variante Omicron.

“Pasiente sira ne’e mai husi rai liur entaun ita deteta sira iha Aeroportu Internasionál Nicolau Lobato. Kazu ne’ebé mak ita deteta ne’e hahú transmisaun komunidade ona. Kazu daudaun ne’e maioria asintomátiku hotu, maibé sira halo pedidu halo auto-izolamentu ne’ebé kontrola hosi ekipa pilar 7 no inspetór sanitária sira,” nia esplika.

Nune’e, Ministériu Saúde husu ba populasaun Timo-Leste tomak, maske simu ona vasina doze kompletu, maibé favór respeita nafatin regra prevensaun no ijiéne individual ne’ebé Governu hatuur ona atu prevene moras COVID-19 atu labele da’et ba mai.

Notísia Relevante:  Variante Omicron da’et lalais liuhosi ema ida ba ema seluk

Jornalista: Felicidade Ximenes

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here